Urduñako kontzentrazio-esparrua
Urduñako kontzentrazio-esparrua 1937ko uztailetik 1939ko irailera jardun zuen kontzentrazio-esparrua frankista izan zen, Espainiako Gerra Zibilean. Hasiera batean, bereziki preso hartutako Eusko Gudarosteko gudariak bildu bazituen ere, gerora Espainiako beste fronteetako gudariak ere jaso zituen.
Urduñako kontzentrazio-esparrua | |
---|---|
Kokapena | |
Herrialdea | Euskal Herria |
Probintzia | Bizkaia |
Herria | Urduña |
Inaugurazioa | 1937ko uztaila |
Ofizialki, esparruak 5.000 preso hartzeko gaitasuna zuen, baina Joseba Egigurenen arabera 50.000 preso izatera heldu zen.[1] Eusko Jaurlaritzaren arabera, datu ofizialak erabilita, 3.981 pertsona bildu zituzten esparru honetan eta horietatik 2.035 Extremadurakoak ziren.[2] Hiriaren erdi-erdian egon zen, Nuestra Señora de la Antigua izeneko jesuiten eskola zaharrean.[3][4]
Presoek torturak eta bortxazko lanak pairatu zituzten, besteak beste, errepideak eraiki zituzten, baita herrian bertan dagoen Antiguako birginaren monumentua birgaitu ere.[5] Eremuaren helburua ez zen presoen sarraskia, fronteetatik aldentzea eta ustezko delituen arabera klasifikatzea eta zigortzea baizik.[6]
Urduñan hil ziren presoen kopuruarekin zalantzak daude, ofizialki, kontzentrazio-esparruan 24 hil ziren eta 201 espetxean.[7] Horietatik 125 Badajozko probintziakoak ziren, Mérida, La Serena edota Don Benitokoak.[2] Itxi ondoren, Urduñako kartzela eraiki zen frankismoaren errepresialiatuak hartzeko.
Hildakoak bilatu eta identifikatzeko lanak aldatu
2013an Aranzadiko zientzialariek hildakoen gorputzak bilatzen hasi ziren Urduñako hilerrian.[8][9][10][11][12][13] Lourdes Herrastik zuzendutako desobiratzean 71 gorputz aurkitu zituzten eta horietatik 8 identifikatu dituzte (2023ko abenduan):[14]
- Fructuoso Llorens Tolosano (Fuente de Maestre, Badajoz)
- Manuel Del Amo Jiménez (Villagonzalo, Badajoz)
- Salvador Del Amo Jiménez (Villagonzalo, Badajoz)
- Alejandro Gómez Hidalgo (El Carpio de Tajo, Toledo)
- Alfonso Tena Prieto (Don Álvaro, Badajoz)
- Domingo Galindo González (La Morera, Badajoz)
- Inocencio Gallardo Rebolledo (Magacela, Badajoz)
- Bernardo Rodríguez Rincón (Campanario, Badajoz)
- Francisco de la Cruz Orellana (Quintana de la Serena, Badajoz)
Aitortzak aldatu
- 2012an Urduñako Udalak gertatutakoa gaitzetsi zuen, barkamena eskatu zuen gatibuen kontura irabaziak izan zituelako, eta konpromisoa hartu zuen haien memoria birgaitzeko eta gure historiako gertakari izugarri eta ezezagun hori zabaltzeko.[3]
- 2022an kolunbario bat inauguratu zen, 60 pertsonen gorpuzkiak hartzeko gaitasunarekin.[15][16] Iñigo Arregiren eskultura bat jarri zuten ere.[14]
- 2023an Gogora Institutuko eta Eusko Jaurlaritzako delegazio batek Castuerara egin zuen bidaia presoen senideei ADN frogak egiteko asmoarekin.[17]
Erreferentziak aldatu
- ↑ (Gaztelaniaz) gorriti, iban. (2011-10-19). «"200 personas descansan en algún lugar de Orduña a la espera de reconocimiento"» Deia (Noiz kontsultatua: 2024-02-16).
- ↑ a b (Gaztelaniaz) Andueza, Iker Rioja. (2023-01-28). «Orduña, campo de concentración extremeño en la guerra: 2.035 de los 3.981 presos fueron llevados a 700 kilómetros» elDiario.es (Noiz kontsultatua: 2024-02-16).
- ↑ a b Kontzentrazio esparrua, Urduñako Udala..
- ↑ (Gaztelaniaz) Borraz, Marta. (2022-03-13). «Plazas de toros, hoteles, colegios: los campos de concentración del franquismo por los que pasas sin saber que lo fueron» elDiario.es (Noiz kontsultatua: 2024-02-16).
- ↑ (Gaztelaniaz) «En busca de las familias de las 250 víctimas del campo de concentración y prisión de Orduña» Crónica Vasca 2023-01-28 (Noiz kontsultatua: 2024-02-16).
- ↑ (Gaztelaniaz) Pérez, por Ibon. (2023-03-02). «El ADN De Las Víctimas Del Campo De Concentración Franquista De Orduña | Crónica Libre» www.cronicalibre.com (Noiz kontsultatua: 2024-02-16).
- ↑ (Gaztelaniaz) SER, Cadena. (2020-11-03). «Orduña ofrece ayuda a las familias afectadas por el campo de concentración y prisión local» cadena SER (Noiz kontsultatua: 2024-02-16).
- ↑ (Gaztelaniaz) Pérez, por Ibon. (2023-03-02). «El ADN De Las Víctimas Del Campo De Concentración Franquista De Orduña | Crónica Libre» www.cronicalibre.com (Noiz kontsultatua: 2024-02-16).
- ↑ (Gaztelaniaz) «El Gobierno Vasco trabaja ya en la identificación de 53 restos de víctimas halladas en el cementerio de Orduña» EITB 2022-12-10 (Noiz kontsultatua: 2024-02-16).
- ↑ (Gaztelaniaz) Peláez, Alba. (2022-12-06). «Aranzadi halla restos de una decena de víctimas del franquismo en el cementerio de Orduña» El Correo (Noiz kontsultatua: 2024-02-16).
- ↑ (Gaztelaniaz) EFE, NTM /. (2023-11-17). «El Gobierno vasco entrega los restos de otros dos identificados de la prisión de Orduña» Deia (Noiz kontsultatua: 2024-02-16).
- ↑ (Gaztelaniaz) Oliveres, Iker Rioja Andueza, Victòria. (2023-02-01). «Euskadi busca por toda España a familias de los 225 fallecidos en el campo de concentración franquista de Orduña» elDiario.es (Noiz kontsultatua: 2024-02-16).
- ↑ «Podcast audio: Orduña Castuera: exhumando la verdad. La voz de la Ciencia. Memoria Eraikiz, EITB podcast.EITBpodkast | Jakintza» EITB 2023-11-02 (Noiz kontsultatua: 2024-02-16).
- ↑ a b (Gaztelaniaz) Aranzadi. «| Aranzadi — Zientzia elkartea» Aranzadi (Noiz kontsultatua: 2024-02-16).
- ↑ (Gaztelaniaz) Andueza, Iker Rioja. (2022-07-28). «Homenajean a los represaliados de toda España en el campo de concentración franquista de Orduña» elDiario.es (Noiz kontsultatua: 2024-02-16).
- ↑ (Gaztelaniaz) «Familiares de represaliados y fallecidos en el campo de concentración de Orduña protagonizan la inauguración del primer Columbario de la Dignidad de Bizkaia» www.gogora.euskadi.eus 2022-01-08 (Noiz kontsultatua: 2024-02-16).
- ↑ (Gaztelaniaz) Segovia, Mikel. (2023-01-23). «De Orduña a Castuera, el último viaje de 71 extremeños en busca de familia y ADN» El Independiente (Noiz kontsultatua: 2024-02-16).
Bibliografia aldatu
- Joseba Egiguren (2011). Prisioneros en el Campo de Concentración de Orduña (1937-1939). Ttarttalo
- Ascensión Badiola Ariztimuño (2015). La represión franquista en el País Vasco. Cárceles, campos de concentración y batallones de trabajadores en el comienzo de la posguerra. UNED.
- Carlos Hernández de Miguel (2019). Los campos de concentración de Franco. Sometimiento, torturas y muerte tras las alambradas. Ediciones B
Kanpo estekak aldatu
- Bideoa: Urduñako kontzentrazio-esparruko eta espetxeko biktimen senideak bilatzea 1936-1941 (Gogora, 2023)
- Podcast: Orduña-Castuera, exhumando la verdad. La voz de la Ciencia. Aranzadi y BIOMICS (Memoria Eraikiz, 2014)