Txikipedia:Triangelu baten erdibidekoa
![](http://upload.wikimedia.org/wikipedia/commons/thumb/3/32/Triangelua_eta_erdibideko_bat.png/220px-Triangelua_eta_erdibideko_bat.png)
![](http://upload.wikimedia.org/wikipedia/commons/thumb/c/c8/Triangeluaren_erdibidekoak_eta_barizentroa.png/220px-Triangeluaren_erdibidekoak_eta_barizentroa.png)
Triangelu baten erdibidekoa zuzenki bat da, erpin bat eta haren aurkako aldearen erdiko puntua lotzen dituena. Edozein triangeluk hiru erpin dauzka; beraz, erdibidekoak ere hiru dira. Hiru erdibidekoek elkar ebakitzen duten puntuari barizentro deitzen zaio.
Propietateak aldatu
Triangeluaren erdibidekoek ondorengo propietateak dituzte:
- Erdibideko bakoitzak triangelua azalera berdineko bi triangelutan zatitzen du. Era berean, hiru erdibidekoek triangelua azalera berdineko sei triangelutan zatitzen dute.
-
Triangeluaren erdibidekoak eta osatzen dituzten triangelutxoen azalerak
- Hiru erdibidekoek puntu bakarrean egiten dute bat: barizentroan (grabitate-zentroa ere deitzen zaio). Barizentroa beti dago triangeluaren barruan.
-
Barizentroa beti dago triangeluaren barruan
- Erdibideko bakoitzak duen luzeraren 2/3 erpinaren eta barizentroaren artean daude, eta 1/3 barizentroaren eta aurkako aldearen erdiko puntuaren artean.