Txikipedia:Lekeitio

Datuak, labur
🏴  Lurraldea	Bizkaia
👨‍👨‍👦‍👦  Biztanleak	7.143
🔎  Azalera	1,9 kilometro koadro
🌄  Altuera	0 metro

Lekeitio Bizkaiko udalerri bat da. 7.228 biztanle ditu.

Geografia

Otoio eta Lumentza mendiek inguratzen dute Lekeitio.

Lea ibaia Lekeitio eta Mendexa artean itsasoratzen da.

Lekeitioko hondartza Isuntza deitzen da, eta aurrean dauka Garraitz irla.

Historia

Antzinaroa

Lumentzako kobazuloetan Goi Paleolitoko gizakien aztarnak aurkitu zituzten. Eta Armintxe leizean duela 12.000 urte inguruko labar artea topatu zuten.

Erdi Aroa

1325ean sortu zen Lekeitio hiribildua. 1442an sute batek Lekeitioko 300 etxe erre zituen.

XIV. urtean jada Lekeitioko txalupek baleak ehizatzen zituzten.

Aro garaikidea

XX. mende hasieratik aurrera Lekeitiora gero eta turista gehiago etorri zen. Tartean jende ezaguna. Adibidez, Zita Boboi-Parmakoa enperatriza.

Demografia

2019an Lekeitiok 7.246 biztanle zituen.

Politika

Lekeitioko alkatea Koldo Goitia da.

2019ko udal hauteskundeetan hauek izan ziren emaitzak: EAJ alderdiak 2.300 boto. EH Bildu koalizioak 1.871 boto. PSE-EE alderdiak 42 boto. Eta PP alderdiak 15 boto.

Euskara

Lekeitioko herritarren %80,72 euskalduna da.

Eraikin garrantzitsuak

• Andra Mariaren Jasokundearen eliza. XV. mendekoa.
• Turpin dorrea. XVI. mendekoa.
• Uriarte jauregia. 1677ko jauregi barrokoa.

Lekeitioko udaletxea

Jaiak

• San Pedroak. Ekainaren 28tik uztailaren 1era.
• San Antolinak. Irailaren 1etik 8ra.

Lekeitiar ospetsuak

• Resurrección Maria Azkue (1864-1951). Apaiza, idazlea eta euskaltzainburua.
• Eusebio Erkiaga (1912-1993). Idazlea eta euskaltzaina.
• Miren Agur Meabe (1962). Idazlea.

Argazki galeria

• 
  Beaskokalea
• 
  Turpin dorrea
• 
  Kristo Portalekoa
• 
  Txalupak portuan
• 
  Abaroa jauregia
• 
  Andra Mariaren Jasokundearen eliza
• 
  Antzar eguna argazki zahar batean