Turpin dorrea

Turpin dorrea edo Turpin dorre-jauregia Lekeition (Bizkaia) kokaturiko dorretxea da. Defentsarako eraiki bazen ere, geroago etxebizitza bihurtu zen.

Turpin dorrea
Eraikitako euskal ondasun nabarmena
Lekeitioko hiri historikoa
Dorrea, 2008ko abuztuan
Kokapena
Herrialdea	Euskal Herria
Probintzia	Bizkaia
Herria	Lekeitio
Koordenatuak	43°21′46″N 2°30′16″W
Historia eta erabilera
Eraikuntza	XVI. mendea
Arkitektura
Estiloa	pizkundetar arkitektura
Ondarea
EJren ondarea	29

Kokapena

Lekeitioko alde zaharrean dago kokaturik, Gerrikabeitia eta Santo Domingo kaleen arteko gurutzean. Uriarte jauregiari dago lotuta eta hiriko harresitik hurbil zegoen.

Historia

XVI. mende hasieran eraiki zen, orduko estilo nagusiaren -pizkundetarra- ereduari jarraiki. Defentsa lanetarako eraiki bazen ere, dorreak erabilpen hori galdu zuen etxebizitza bihurtzeko. Gaur egun, etxebizitza izaten jarraitzen du, Lekeitioko eraikin zaharrenetariko eta ondoen kontserbaturikoa delarik berau.

Arkitektura

Eraikina kareharriz dago eraikia, sei arku-zuzendun leiho dituelarik horman, denak tamaina berekoak. Bere aurreko paperaren garaitik, eraikinaren defentsarako erabilgarriak ziren hauts-babesak eta babeserako leiho-barrenak geratzen dira.

Eraikinera sartzeko, puntu erdiko forma duen ate handi batetik pasa behar da. Honek, haizemaile formadun ganga du. Atzealdean patio bat du eta bertan daude sotora zein zerbitzarien etxebizitzetara eramaten duten eskailerak.

Kanpo estekak

• Datuak: Q9088853