Tapiz hegalari

Tapiz hegalari, tapiz magiko ere deitua, pertsonak garraiatzeko erabil daitekeen tapiz edo alfonbra mitikoa da, berehala bere helmugara eraman ditzakeena.

Tapiz hegalari
Ezaugarriak

Literatura

Tapiz hegalariak ia Bibliaren garaitik gaurdaino agertu dira literaturan. Batez ere arabiar edo indiar gaiak jorratzen dituen arren, Mila gau eta bat gehiago lanaren ospeak sartaldeko ikusleen arreta erakarri zuen. Beste kultura batzuetako literatura-tradizioetan ere tapiz hegalariak daude. Mila gau eta bat gehiagokoa, Tanguko tapiz magikoa edo Hussein printzearen tapiza deitua, Tangutik (Persia) zetorren tapiz bat zen, inolako baliorik gabea, tapiz hegalari gisa zebilena.

Kebra Nagast etiopiar kronikan Salomonen tapiza deskribatzen dute, zeta orlegiz egina, eta haren gainean Salomonen jargoia jartzen zuten bidaiatzen ari zenean. Sabako erreginaren opari hau bere segizio osoa hartzeko bezain handia zen: pertsonak bere eskuinean, eta izpirituak bere ezkerrean. Haizeak Salomonen aginduak betetzen zituen, eta tapizak eta bere edukiak norabide egokian aurrera egingo zutela ziurtatzen zuen. Txoriz eramandako errezel batek tapiza eguzkitik babesten zuen.

Errusiako herri-ipuinetan, Baba Jagak Ivan Tontoari tapiz hegalari bat edo beste opari magikoren bat oparitzen dio (adibidez, heroiari bidea adierazten dion bola bat edo zubi bihur daitekeen eskuoihal bat). Opari hauek bere abenturetan bere bidea aurkitzen laguntzen diote heroiari. Viktor Vasnetsov margolari errusiarrak tapiz hegalari bat irudikatuz irudikatu zituen istorio horiek.

Mark Twainen 1909ko Captain Stormfield's Visit to Heaven eleberrian, irrikak betetzen dituzten tapizak erabiltzen dira, ostaldean zehar berehala bidaiatzeko.

Kanpo-estekak

• Datuak: Q740881
• Multimedia: Flying carpets / Q740881

Artikulu hau mitologiari buruzko zirriborroa da. Wikipedia lagun dezakezu edukia osatuz.