Steen Eiler Rasmussen

Steen Eiler Rasmussen
	; Irudi gehiago
Danimarkako Arte Ederren Errege Akademiako katedradun
Danimarkako Arte Ederren Errege Akademiako lector (en)
Bizitza
Jaiotza	Kopenhage, 1898ko urtarrilaren 9a
Herrialdea	Danimarka
Heriotza	Kopenhage, 1990eko ekainaren 19a (92 urte)
Hezkuntza
Heziketa	Danimarkako Arte Ederren Errege Akademia
Hizkuntzak	daniera
Ikaslea(k)	ikusi Jørn Utzon;
Jarduerak
Jarduerak	arkitektoa, diseinatzailea, idazlea, unibertsitateko irakaslea, hirigilea eta arte-historialaria
Enplegatzailea(k)	Danimarkako Arte Ederren Errege Akademia
Jasotako sariak	ikusi Honorary craftsman (1976) ; Heinrich Tessenow Medal (1973) ; honorary Royal Designer for Industry (1947) ; Holberg Medal (1969) ; C. F. Hansen Medal (1977) ;
Kidetza	Bavariako Arte Ederren Akademka

Steen Eiler Rasmussen (Kopenhage, Danimarka, 1898ko urtarrilaren 9a - Kopenhage, 1990ko ekainaren 19a) daniar arkitektoa izan zen.

Biogafia aldatu

Hogei urte zituela, ikaskide batekin elkartuta, hirigintzako hiru lehiaketa irabazi zituen. Handik hiru urtera, Danimarkako Arte Ederretako Errege Akademiako batzordeko kide bihurtu zen; garai horretan, bestalde, Italian eta Txinan barrena bidaiatu zuen. Bidaia horietatik itzuli zenean, hirigintzako aulkia sortu zuen Errege Akademian. Familia bakarreko etxebizitzen ikerketan aritu zen, batez ere, Rasmussen, Londresen 1927an egin zuen egonaldi baten ondoren. Kezka horren ondorioz, 1934an lan bat idatzi zuen: London, the Unique City ("Londres, hiri berezia"). Lan horretan Rasmussenek hiri sakabanatu horren merituak deskribatzen ditu, eta hiri ideal gisa aurkezten du. Hala, Rasmussenek Europa kontinentaleko hirien kontra egiten zuen, Parisen kontra, batez ere.

Arkitekto gisa klasizismoa, funtzionalismoa eta modernismoa landu zituen, hurrenez hurren. Balio humanistak, erosotasuna, intimitatea nabarmentzen zituen, haren iritziz etxebizitzak bertan biziko direnen arabera eraiki behar baitira, eta ez, hortaz, kanpotik begiratzeko. 1938. urtetik aurrera, irakasle gisa lan egin zuen. Hala ere, ospetsu egin zen idazle gisa eta eskema ezagun baten egile gisa: bost behatzeko plana Kopenhage handitzeko (1948). 1932tik 1938ra bitartean, Kopenhageko hirigintzako bulegoko kide izan zen, eta garai horretan proposatu zen, hain zuzen, hiria bost ardatzen arabera zabaltzea. 1949an "Hiriak eta arkitektura" lana argitaratu zuen, argitasun pedagogiko handikoa.

Erreferentziak aldatu

Wikimedia Commonsen badira fitxategi gehiago, gai hau dutenak: Steen Eiler Rasmussen

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q640949
Multimedia: Steen Eiler Rasmussen / Q640949