Sommeko gudua

Sommeko gudua, Lehen Mundu Gerraren barnean, gudurik luzeenetariko eta latzenetariko bat izan zen: milioi bat erori baino gehiago izan ziren. Britainiar eta frantziar gudarosteek Somme ibaiaren hegoaldean zehar eta 40 kilometroko luzerako frontean alemaniar lerroak haustea zuten helburu, Verdungo guduan zeuden alemaniarrak distraitzeko. Hala ere, gudu hori Verdungoa baino gogorragoa izan zen.

Sommeko gudua
Lehen Mundu Gerra
Mendebaldeko Frontea
Cheshireko errejimentuko 11. batailoiko kide bat Ovillers-la-Boisselletik gertu, 1916ko uztaila
Data	1916ko uztailaren 1a - azaroaren 18a
Lekua	Somme ibaia, Pikardia, Frantzia
Koordenatuak	50°00′56″N 2°41′51″E
Emaitza	Garailerik gabe
Gudulariak
Britainia Handia eta Irlandako Erresuma Batua Frantzia Kanadako agindupeko lurra Ternuako agindupeko lurra Hegoafrikar Batasuna Australia Zeelanda Berria Britainiar Raj Alemaniar Inperioa
Buruzagiak
Douglas Haig Ferdinand Foch Max von Gallwitz Fritz von Below
Indarra
13 britainiar eta 6-11 frantziar dibisioi (hasieran) 51 britainiar eta 48 frantziar dibisioi (amaieran) Guztira: 2.000.000 soldadu 10,5 dibisioi (hasieran) 50 dibisioi (amaieran) Guztira: 1.000.000 soldadu
Galerak
419.654 britainiar eta Commonwealtheko kideak 204.253 frantziar Guztira: 623.907 (146.431 hildako edo desagertu) 100 tanke eta 782 hegazkin 435.000 (164.055 hildako edo desagertu)

Guduaren lehenengo egunean, 1916ko uztailaren 1ean, 57.740 britainiar erori ziren eta, horietatik, 19.240 hil ziren. Erresuma Batuko armadaren historiako gudurik latzena izan zen. Alemaniako armadarentzat ere itzelezkoa izan zen: ofizial batek "armadarentzako lohizko hilobia" izan zela zioen. Gerra modernoa zein hilgarria den konturatu ziren bi alderdiak. Sommekoa erabakigarria izan zen Gerraren bilakaeran, batez ere Mendebaldeko Frontean.

Britainiarrek urte hartan The Battle of the Somme filma grabatu zuten gerrari buruz, lehenengo dokumentala izan zena.

Kanpo estekak

• Datuak: Q132568
• Multimedia: Battle of the Somme / Q132568

Artikulu hau Frantziako historiari buruzko zirriborroa da. Wikipedia lagun dezakezu edukia osatuz.