Seynabou Male Cisse
Seynabou Male Cisse (Gandiaye, Kaolack, 1952) senegaldar irakaslea eta ekintzailea da. Ignacio Ellakuria saria jaso zuen 2023an, bakearen eta emakumeen eskubideen alde egindako lanagatik.[1]
| Seynabou Male Cisse | |
|---|---|
 | |
| Bizitza | |
| Jaiotza | Gandiaye (en)  , 1952 (71/72 urte) |
| Herrialdea |  Senegal |
| Jarduerak | |
| Jarduerak | irakaslea eta ekintzailea |
Bizitza
aldatuSeynabou Male Cisse 1952an jaio zen Gandiayen, Senegalgo Kaolack eskualdean. Geografiako lizentzia eta masterra lortu ondoren, Bigarren Hezkuntzako irakaslea izan zen 25 urtez Ziguinchor hirian.[2] Gaztetatik ibili zen gizarte mugimenduetan, eta baita berdintasunaren aldeko borrokan eta emakumeen ahalduntzearen alde lanean ere. Izan ere, emakumeen eskubideen eta bakearen aldeko ekintzailea da Casamance eskualdean.[1]
Casamanceko gatazka 1982an hasi zen, Indar Demokratikoen Mugimenduaren (MFDC) eta estatuaren artean. Liskar horrek emakumeak kolpatu ditu bereziki; horregatik egiten du lan Male Cissek bertan. 2010ean, Plateforme des Femmes pour la Paix en Casamance (PFPC) koalizioaren sustatzailea izan zen: gizarte zibileko 210 tokiko erakunde eta eskualdean bakearen eta justiziaren alde lan egiten duten 40.000 emakume baino gehiago bildu zituzten.[1]
2013an, Women´s World Summit Foundation (WWSF) erakundearen Women´s Creativity in Rural Life saria jaso zuen.[2]
Erreferentziak
aldatu- ↑ a b c Seynabou Male Cisse ekintzaile senegaldarrak jasoko du Ignacio Ellakuria saria. Berria, 2023ko urriak 13, CC BY-SA 4.0, berria.eus (Noiz kontsultatua: 2023-11-30).
- ↑ a b Seynabou Male Cisse ekintzaile senegaldarrak jasoko du Ignacio Ellakuria saria. Irekia, 2023ko urriak 13, CC BY 3.0, irekia.euskadi.eus (Noiz kontsultatua: 2023-11-30).
Kanpo estekak
aldatu
Datuak: Q123581447
