Sesostris II.a

Jajeperra Senusert, Senusert II.a edo Sesostris II.a, Egiptoko XII. dinastiako laugarren faraoia izan zen. K.a. 1882tik K.a. 1872 arte gobernatu zuen (Jürgen von Beckerath).

Sesostris II.a
Irudi gehiago
mitregent (en) K.a. 1883ko abenduaren 7a - K.a. 1879 Faraoi K.a. 1879 - K.a. 1872 ← Amenemhat II.a - Sesostris III.a → 4. Q110550681 ← Amenemhat II.a - Sesostris III.a →
Bizitza
Jaiotza	K.a. XX. mendea
Herrialdea	Egiptoko Inperio Ertaina
Heriotza	K.a. XIX. mendea ( urte)
Hobiratze lekua	Beni Hassan
Familia
Aita	Amenemhat II.a
Ama	Senet
Ezkontidea(k)	Khenemetneferhedjet I (en) Nofret II (en)
Seme-alabak	ikusi Sesostris III.a Itakayt (en) Sithathoriunet (en)
Anai-arrebak	ikusi Amenemhatankh (en)
Leinua	Egiptoko XII. dinastia
Jarduerak
Jarduerak	politikaria

Jajeperra bezala aipatzen da Abidoseko Errege Zerrendan eta Saqqarakoan, baina bere izena, ulerkaitza da Turineko Errege Kanonean. Manetonen epitomeetan aipatu ere ez da egiten. Bere erregealdiaren 6. urtea, nomarka baten hilobiaren harresi batetako erliebean dokumentatua dago, Beni Hassanen.

Bere ondorengoa izan zen Sesostris III.ak ez bezala, harreman onak izan zituen tokiko zenbait nomarkekin, garai honetan, ia faraoia bezain boteretsuak ziren Egiptoko gobernari probintzialak.

Sesostris II.ak baliabide asko bidali zituen El Fayumeko oasira, ureztatze sistema zabal bat eraikitzeko lanak abiatzeko aginduz, Bahr Yusuf edo Joseren kanaletik Birket Qarun lakuraino, El Lahunen dike baten eta ureztatze kanal sare zabal baten eraikuntzaren bidez. Bere egitasmo handiaren asmoa, eskualdeko nekazaritza lurraren azaleraren handitzea zen.

Egitasmo honen garrantzia, Sesostris II.ak, errege nekropolia Dahshurretik El Lahunera eramateko erabakiarekin nabarmentzen da, non bere piramidea eraikitzea agindu zuen. El Lahun, hemendik aurrera, Egiptoko XII eta XIII. dinastien hiriburu bezala geratuko da.

Erregeak, gainera, ezagutzen den lehen langile hiria ezarri zuen. Kahunetik gertuko herrian, Egiptoko Inperio Berrian, Deir el-Medinako artisauen hiriaren prototipoa izango dena.

Sesostris II.aren piramidea El Lahunen

Bere garaiko testigutzak

Bere balizko lurperaketa tokia, adobez eraikitako 106 metroko luzera eta 50 metroko altuerako piramidea, El Lahunen eraiki zen.

• Heliopolisetik datorren esfingea, Kairoko Egiptoar Museoan (Sourouzian)
• Asuanetik gertuko arroka batean dauden zenbait idazkunetan aipatua, Amenemhat II.arekin batera aipatua.
• Bere gurtzari buruzko erreferentzia ugari Lahuneko papiroetan (Flinders Petrie)

«

Erregearen emaztea, koroa zuriarekin dagoena, Ueret

»

Zatia

Aurrekoa Amenemhat II.a

Egiptoko faraoia XII. dinastia

Ondorengoa Sesostris III.a

Wikimedia Commonsen badira fitxategi gehiago, gai hau dutenak: Sesostris II.a