Sebastopol
Sebastopol[1] (ukraineraz: Севасто́поль, sewɐˈstɔpolʲ ahoskatua; errusieraz: Севасто́поль, sʲɪvɐˈstopəlʲ ahoskatua[2]; Krimeako tatareraz: Aqyar, aqˈjar ahoskatua) Krimeako penintsularen hegoaldeko hiri bat da, Itsaso Beltzaren ertzean kokatua. Krimeako penintsularen gainerako lurrak (Krimeako Errepublika) bezala, gaur egun izatez Errusiakoa da, baina Ukrainak zuzenbidearen aldetik bere lurraldetzat dauka, bai eta munduko Estatu gehienek ere.
| Sebastopol Севастополь | |||
|---|---|---|---|
| hiri/herria | |||
 | |||
| |||
| Administrazioa | |||
| Estatu burujabe |  Ukraina | ||
| Alkatea | Mikhail Razvozhayev (en)  | ||
| Izen ofiziala | Севастополь Aqyar Aqyar | ||
| Jatorrizko izena | Севастополь | ||
| Posta kodea | 99000–99699 | ||
| Geografia | |||
| Koordenatuak | 44°36′18″N 33°31′21″E / 44.605°N 33.5225°E | ||
 | |||
 | |||
| Azalera | 863.6 km² | ||
| Altuera | 100 m | ||
| Mugakideak | Krimeako Errepublika eta Krimeako Errepublika Autonomoa | ||
| Demografia | |||
| Biztanleria | 485.386 (2022) −36.671 (2021) | ||
| Dentsitatea | 562,05 bizt/km² | ||
| Informazio gehigarria | |||
| Sorrera | 1783 | ||
| Telefono aurrizkia | 0692 | ||
| Ordu eremua | UTC+03:00 eta UTC+02:00 | ||
| Hiri senidetuak | San Petersburgo, Galați, Petropavlovsk-Kamtxatski, Ferrara, Belgorod, Kronstadt eta Severodvinsk | ||
| Matrikula | 92, СН, 777, 77 eta 27 | ||
| Hizkuntza ofiziala | ukrainera eta errusiera | ||
| sevastopol.gov.ru | |||
Historia aldatu
Egungo hiriaren hegoaldean kokatu zuten greziarrek Kersoneso izeneko kolonia (K.a. 421). Pontoko erresumaren barnean geratu ondoren, erromatarrak bertaratu ziren (K.a. II. mendea), eta Bizantziar Inperioko hiria izan zen gero.
Vladimir Kieveko printzeak hartu zuen hiria 988-989 bitartean, eta han bataiatu zuten. Trebizondako inperioaren mendean egon eta gero, desagertu egin zen ia hiria. 1783an sortu zuen Grigori Potiomkin errusiar mariskalak hiri berria, eta Sebastopol izena eman zioten ondorengo urtean. Itsas armadarako basea eraiki zuten aurrena, eta merkataritzarako portua ondoren (1808). XIX. mendearen hasieran nabarmen gotortu zituzten hiria eta portua. 1854-1855 bitartean, Krimeako gerraren garaian (1853-1856), guztiz inguratu zuten hiria frantses eta ingeles armadek. Setio izugarri gogor baten ondoren, su eman zieten errusiarrek zutik zirauten eraikuntzei, hiria utzi baino lehen. Eraikuntza-lanei ekin zieten berriro gerra ondoren.
Errusiako Iraultzaren garaian, bertan eratu zuen Wrangel jeneralak iraultzaileen kontrako kuartel nagusia; 1920ko azaroan nagusitu zen armada gorria hirian. Bigarren Mundu Gerran setioa ezarri zioten alemaniar naziek hiriari 1941eko uztailean, eta 1942ko uztailean sartu ziren bertan. 1944ko maiatzean hartu zuten hiria sobietar indarrek.
Klima aldatu
 Datu klimatikoak (Sevastopol) 
| |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Batez besteko tenperatura maximoa (°C) | 5.9 | 6.0 | 8.9 | 13.6 | 19.2 | 23.5 | 26.5 | 26.3 | 22.4 | 17.8 | 12.3 | 8.1 | 15.9 |
| Batez besteko tenperatura (ºC) | 2.9 | 2.8 | 5.5 | 9.9 | 15.2 | 19.5 | 22.4 | 22.1 | 18.2 | 13.9 | 8.9 | 5.1 | 12.2 |
| Batez besteko tenperatura minimoa (°C) | -0.2 | -0.4 | 2.0 | 6.1 | 11.1 | 15.5 | 18.2 | 17.9 | 13.9 | 9.9 | 5.4 | 2.0 | 8.5 |
| Pilatutako prezipitazioa (mm) | 26 | 25 | 24 | 27 | 18 | 26 | 32 | 33 | 42 | 32 | 42 | 52 | 379 |
| Iturria: svali.ru[3] | |||||||||||||
Ekonomia aldatu
Ekonomiaren indar nagusia ontziolak eta industria mekaniko astuna dira. Turismogunea ere bada.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. 157. araua: Europako hiriak. .
- ↑ (Ingelesez) definition: meaning, pronunciation and origin of the word. in: Oxford Dictionary. Oxford University Press.
- ↑ Севастополь, Крым, Украина - Описание, путеводитель, туры, авиабилеты, достопримечательности, отели, климат, фото, карта, погода. .
Kanpo estekak aldatu
Datuak: Q7525
Multimedia: Sevastopol / Q7525
