Savia
Savia rock musika taldea da, Carlos Escobedo abeslariak eta Alberto Madrid bateriajoleak sortutakoa, biak ere Sôber taldean izandakoak.
| Savia | |
|---|---|
 Carlos Escobedo 2013ko | |
| Datuak | |
| Jatorria | Madril, Espainia |
| Musika mota | Rock |
| Urteak | 2005 - 2009 |
| Produkzioa | |
| Diskoetxea(k) | Universal Studios |
| Taldekideak | |
| Carlos Escobedo Fernando Lamoneda Jesus Pulido Manuel Reyes | |
| Lehengo taldekideak | |
| Alberto Madrid José Pereira | |
| Informazio gehigarria | |
| www.savia.ws | |
        | |
Historia aldatu
Sôber taldean 10 urte baino gehiagoz aritu ondoren, bide berri bati hasiera emanez talde berria sortzea erabaki zuten Carlos Escobedo eta Alberto Madridek. Talde hartako beste bi kideek Skizoo taldea sortu zuten. Savia osatzeko, ordea, Turbolovers taldeko Jesus Pulido eta Skunk D.F. taldeko Fernando Lamonedarekin bat egin zuten.
Taldearen izenak gaztelanian du jatorria, izan ere "energia darion iturria" esan nahi du Saviak. Grabatutako lehen diskoari Insensible izena eman zioten, eta beraiek definitu zutenez "Carlosen atalik pertsonalena" barnean darama disko horrek.
Taldeak bi musika disko atera zituen bere hasierako bi urteetan, Insensible (2005) eta Savia (2006), eta kontzertu ugari eskaini zituen estatu espainiar osoan.
Albiste txarra 2006ko azaroaren 30ean iritsi zen, Alberto Madrid bateriajoleak Madrilgo M-40 errepidean moto istripua izan ondoren hil egin baitzen.
Istripuaren ondoren, eta hilabete batzuk kontzertuak eman gabe egon ondoren, taldekide berri bat bilatu zutela iragarri zuten 2007ko otsailaren 4an, Jose Pereira.
Aurrerago, 2008ko maiatzaren 6an, disko berria argitaratu zuten, Fragile izenekoa.
2008ko uztailean José Pereirak taldea utzi zuen, Otra Cara taldean aritutako Manuel Reyes hasi zelarik bateria lanetan.
Taldekideak aldatu
- Carlos Escobedo (ahotsa eta gitarra).
- Fernando Lamoneda (gitarra).
- Jesus Pulido (baxua).
- Manuel Reyes (bateria).
Diskografia aldatu
- Insensible (Universal Studios, 2005).
- Savia (Universal Studios, 2006).
- Berredizio berezia 2007an.
- Fragile (Universal Studios, 2008).
Kanpo estekak aldatu
- (Gaztelaniaz) Taldearen webgune ofiziala
Datuak: Q2228121
