Salisburyko katedrala

Salisburyko katedrala Ingalaterrako hegoaldeko Wiltshire konderriko Salisbury hirian dagoen katedral bat da. 1220an hasi zen eraikitzen, Amienskoaren urte berean, eta hura baino beranduxeago amaitu zuten, 1266an. Deigarria da denbora berean eraikiak izanda -eta, teoriaz, estilo berekoak- zeinen desberdinak diren ikustea. Kontinenteko katedralaren estutasunaren eta bertikaltasunaren ordez, itxura luzexkoa, baxu eta adarkatua du Salisburykoak, kontuan izan behar baita gurutzadura gaineko dorre handia, gainerako eraikina baino mende bat geroago eraikia ez ezik, hasieran proiektatua baino askoz garaiagoa dela (123 m, Ingalaterrako garaiena). Arbotanteak, egiturari eusteko premiazkoak ez zirenez, geroago erantsi zitzaizkion.

Salisburyko katedrala
Salisbury Cathedral
Ondasun Ingelesa
eta Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Hego-mendebaldeko Ingalaterra
Ingalaterrako konderri zeremoniala	Wiltshire
Ingalaterrako autoritate unitarioaren eremua	Wiltshire
Hiria	Salisbury
Koordenatuak	51°03′54″N 1°47′49″W
Historia eta erabilera
Irekiera	1220
Izenaren jatorria	Maria
Erlijioa	anglikanismoa
Elizbarrutia	Anglican Diocese of Salisbury (en)
Izena	Maria
Arkitektura
Arkitektoa	Richard Poore (en) Elias of Dereham (en)
Materiala(k)	kareharria
Estiloa	arkitektura gotikoa
Dimentsioak	123 () × 134,7 () m
Ondarea
Ondare Ingelesa	1023581
Webgune ofiziala

Mendebaldeko fatxada eliza bera baino zabalagoa da, eta zerrenda horizontalak, bai apaindurazkoak eta bai estatuak dituztenak, kontinenteko eliz fatxadetan ez bezala daude nabarmenduak. Fatxadako dorreak, aldiz, ia desagertzeraino kaskartu dira. Eraikinaren oinak, bere bi transeptu irtenekin, eliza erromanikoen eraketa orokor zatikatuari eusten dio.

Iruditegia

• 
  Oinplanoa
• 
  Atari nagusia
• 
  Aireko ikuspegia
• 
  Barnealdea

Kanpo estekak

• Salisburyko katedralaren webgunea (Ingelesez)

Erreferentziak

• Datuak: Q390150
• Multimedia: Salisbury Cathedral / Q390150