Robert Lucas, Jr.

Robert Emerson Lucas, Jr. (Yakima, Washington, 1937ko irailaren 15a - Chicago, 2023ko maiatzaren 15a) estatubatuar ekonomista izan zen. Ekonomiako ikasketak egin zituen eta Chicagoko Unibertsitatean lortu zuen doktoregoa. Irakasle izan zen; besteak beste, Chicagoko Unibertsitatean. 1970eko hamarraldiaz geroztik ikerketa makroekonomikoan eragin gehien izan zuten ekonomistetako bat izan zen. Bere lanekin ekarpen garrantzitsua egin zuen etxean, enpresetan eta hainbat erakundetan erabaki ekonomikoak hartzerakoan kontuan hartu beharreko aldagaiei dagokienez. Lucasek eragile ekonomikoen inguruko itxaropenari buruzko ikerketak egin zituen; garrantzi handia izan dute ikerketa horiek, itxaropenen arabera jokatzen baitute gizabanakoek era batera ala bestera, eta haien arabera nagusitzen baita joera ekonomiko jakin bat ala bestea.

Robert Lucas, Jr.
(1996) Irudi gehiago
American Economic Association (en) presidentea 2002 - 2003
Bizitza
Jaiotza	Yakima (Washington), 1937ko irailaren 15a
Herrialdea	Ameriketako Estatu Batuak
Bizilekua	Chicago metropolitan area (en)
Heriotza	Chicago, 2023ko maiatzaren 15a (85 urte)
Familia
Ezkontidea(k)	Nancy Stokey (en)
Hezkuntza
Heziketa	Chicagoko Unibertsitatea 1964) Doktoretza : ekonomia Chicagoko Unibertsitatea 1959) Artean graduatu : zientzia historikoa Roosevelt High School (en)
Tesi zuzendaria	H. Gregg Lewis (en) Dale W. Jorgenson (en)
Doktorego ikaslea(k)	Marcel Boyer (en) Costas Azariadis (en) Jean-Pierre Danthine (en) Paul Romer Erzo G.J. Luttmer (en) Marianne Baxter (en) Boyan Jovanovic (en) Jo Anna Gray (en) Max Gillman (en) Matthias Doepke (en) Esteban Rossi-Hansberg (en) Xiaodong Zhu (en) Alan C. Stockman (en) Hwagyun Hagen Kim (en) Hugo Rodríguez Mendizábal (en) Eisuke Okada (en) Robert G. Crawford (en) Marc Teignier Baque (en) Lorenzo Caliendo (en) Joao Pedro Hrotkó (en) Önsel Emre (en) Carlos Pérez Verdía (en) Kamilya Tazhibayeva (en) Francisco Luis Roch (en) Eswar Prasad (en) Toshihisa Toyoda (en) Peter Zadrozny (en)
Hizkuntzak	ingelesa
Jarduerak
Jarduerak	ekonomialaria
Enplegatzailea(k)	Chicagoko Unibertsitatea Carnegie Mellon Unibertsitatea
Jasotako sariak	ikusi John Simon Guggenheim Memorial Foundation beka  (1981) Ekonomiako Nobel Saria  (1995) Distinguished Fellow of the American Economic Association Fellow of the Econometric Society  (1975) Fellow of the American Academy of Arts and Sciences
Kidetza	Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Amerikako Sozietate Filosofikoa Econometric Society (en)
Mugimendua	new classical macroeconomics (en)

1970eko hamarraldia arte, ekonomistek zioten kontsumitzaileek besteren esperientzien araberako itxaropena zutela, baina Lucasek printzipio hori okerra zela azaldu zuen aurreikuspen arrazionalen hipotesi deritzon azalpenaren bidez. Hipotesi hori 1961ean eman zuen John Muthek, baina Lucasek zabaldu egin zuen, eta horrela lortu zuen benetako arrakasta 1970eko hamarraldian. Hainbat aldagai makroekonomikori buruzko ikerketez gainera, Lucasek ikerketa-eremu berriak aurkitu ditu; adibidez, negozioen zikloetako orekaren teoria. Berak egin zituen lehenengo urratsak nazio-aurreikuspenen ekonometria deritzonean ere, zeinetarako asmatu zuen hipotesi berri bat, aldagai nagusien aurreikuspenen analisirako metodo estatistiko eraginkorrenak aurkitzeko. Ekonomiako Nobel saria eskuratu zuen 1995ean, nazio-aurreikuspenen hipotesia landu eta aplikatu izanagatik eta politika ekonomikoaren ezagutza sakontzeko egindako lanagatik. Lucasen idazlan aipagarrienak Understanding Business Cycle (1977, Negozioen zikloaren azalpena) eta Unemployment Policy (1978, Langabezia politika) dira.

Kanpo estekak

• (Ingelesez) Robert Lucasen web-orria, Chicagoko Unibertsitatean

• Datuak: Q107264
• Multimedia: Robert Lucas Jr. / Q107264