Robert Gurik
Robert Gurik (Paris, 1932ko azaroaren 16a) kanadar antzerkigilea da. Quebeceko antzerkigile oparoenetako bat izan zen 60ko eta 70eko hamarkadetan.
| Robert Gurik | |
|---|---|
| Bizitza | |
| Jaiotza | Paris, 1932ko azaroaren 16a (91 urte) |
| Jarduerak | |
| Jarduerak | antzerkigilea eta eleberrigilea |
  | |
Biografia aldatu
Gurasoak hungariarrak zituen, eta 1950ean joan zen sorterritik, Frantziatik, Kanadara. Montrealgo Institutu Politeknikoan egin zituen ikasketak: ingeniari-titulua atera zuen, eta ingeniari gisa lan egin zuen 1972ra arte. Handik aurrera, antzerkigintzan sartu zen buru-belarri. Centre D´essai Des Auteurs Dramatiques erakundearen sortzaileetako bat izan zen. Armand Gatti frantses antzerkigilearen eraginpean, Quebeceko ingurune, hedabide, kontsumismo eta egoera politiko-soziala aztertu zituen. Bertolt Brechten antzerkigintzaren baliabide tipikoak erabili zituen.
Lan nagusiak hauek ditu: Les portes (1965, "Ateak"), Le pendu (1967, "Urkatua"), Hamlet, prince du Québec (1968, "Hamlet, Quebeceko printzea"), La palissade (1971, "Oholesia"), Le procès de Jean-Baptiste M. (1972, "Jean-Baptiste M.-ren auzia") eta Le champion (1977, "Txapelduna"). Bi eleberri idatzi ditu: Spirales (1966, "Espiralak") eta Jeune délinquant (1980, "Gazte gaizkilea").
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q12266623
