Real Murcia

Real Murcia
Datuak
Mota	futbol-kluba
Herrialdea	Espainia
Jarduera
Kide kopurua	103 (2014)
Liga	Lehen Federazioa
Estadioa	Estadio Nueva Condomina (en) : Murtzia; 38°02′32″N 1°08′41″W / 38.0422°N 1.1447°W ; 31.179
Agintea
Entrenatzailea	Pablo Alfaro Armengot (en)
Egoitza nagusi	Murtzia;
Historia
Sorrera	1919

	Etxekoa

	Kanpokoa
	webgune ofiziala;

Real Murcia Club de Fútbol futbol talde murtziarra da, 1908an sorturikoa.

Espainiako futbol ligako bigarren mailan ohiko taldea izan da, 52 denboralditan jokatu du, Espainiar Estatuan maila honetan gehien aritu den taldea da. Honetaz gain 18 denboraldi ere egin ditu lehen mailan. Liga hau gehienetan irabazi duen taldea ere bada, 8 aldiz hain zuzen ere.

Historia aldatu

1908an sortua dela uste da, Antonio Aullón idazlearen lanetan agertzen baita, baina paperetan 1919an eratua dela dirudi. 1920 urtean Levante FC de Murcia izenarekin Levanteko Futbol Federazioan eman zuen izena. 1924 urtean Alfonso XIII.ak Errege titulua eman eta gaurko Real Murcia izena hartu zuen.

Liga sortu zenean Real Murcia hirugarren mailan ezarria izan zen. 1940an Lehen mailara igotzea lortu zuen eta urte hartan Real Madrid taldearen aurkako partida irabazi bazuen ere azken postuan gelditu eta maila galdu zuen. Hurrengo urtean FC Barcelona taldearen aurka play-offa jokatu baina katalanak mantendu ziren lehen mailan. 1944ean igo zen bigarren aldiz eta urte hartan Errege Kopan final aurrekoetara iritsi zen.

Hurrengo hamarkadetan bi mailen artean aritu zen eta igogailu taldea ezizena jaso zuen. 1970an hirugarren mailaraino jaitsi zen eta klubak aldaketa sakonak egin zituen. José Moreno Jiménez presidente bihurtu eta honek taldea lehen mailara itzuli zuen 1973an.

80ko hamarkada bikaina izan zen taldearentzat sei urte egin baitzituen lehen mailan. 90eko hamarkada ordea beltza izan zen, krisi instituzionala eta soziala bizi izan zituen eta hirugarren mailan aritzea ere tokatu zitzaion 1995-96 denboraldian.

1998an gaur egungo presidentea den Jesús Samper presidente bihurtu eta taldea bigarren mailan egonkortu du. Ez hori bakarrik, 2002an Lehen mailara igo zen bai eta 2012an ere. Bi aldietan urte bakarra egin zuen goren mailan. 2006an estadio berria inauguratu zuen, Nueva Condomina.

2012-13 denboraldian bigarren mailako 19. postuan gelditu zen. Jaistea tokatzen zitzaion baina CD Guadalajara jaitsi arazi zuten diru zorrengatik eta Real Murcia mantendu egin zen. 2014an ordea laugarren postuan bukatu zuen arren bigarren B mailara jaitsiarazia izan zen aurkeztu beharreko abala aurkeztu ez izanagatik. Auzia epaitegietara eraman zuen arren ez zuen mantentzearen helburua lortu.

Uniformea aldatu





1919-1920





1920-1946





1946-1964





1964-1973





1973-tik





2018-2022





2020-2022

Datuak aldatu

2023-24 barne:

Denboraldiak 1. mailan: 18
Denboraldiak 2. mailan: 53
Denboraldiak 2. B mailan: 13
Denboraldiak Lehen maila RFEFn: 2
Denboraldiak Bigarren maila RFEFn: 1
Denboraldiak 3. mailan: 4
Ligako posturik onena: 11.a Lehen mailan (1944-45, 1945-46, 1983-84, 1986-87)

Azken urteetako ibilbidea aldatu

Urtea	#	Maila	Postua	Errege Kopa
1999-00	3	Bigarren B maila	2.a	-
2000-01	2	Bigarren maila	13.a	1/16
2001-02	2	Bigarren maila	15.a	1/64
2002-03	2	Bigarren maila	1.a	1/4
2003-04	1	Lehen maila	20.a	1/32
2004-05	2	Bigarren maila	12.a	1/64
2005-06	2	Bigarren maila	16.a	2. itzulia
2006-07	2	Bigarren maila	3.a	2. itzulia
2007-08	1	Lehen maila	19.a	1/32
2008-09	2	Bigarren maila	14.a	1/32
2009-10	2	Bigarren maila	20.a	1/32
2010-11	3	Bigarren B maila	1.a	1/32
2011-12	2	Bigarren maila	18.a	2. itzulia
2012-13	2	Bigarren maila	19.a	2. itzulia
2013-14	2	Bigarren maila	4.a*	2. itzulia
2014-15	3	Bigarren B maila	2.a (IV multzoa)	2. itzulia
2015-16	3	Bigarren B maila	2.a (IV multzoa)	1. itzulia
2016-17	3	Bigarren B maila	2.a (IV multzoa)	1. itzulia
2017-18	3	Bigarren B maila	3.a	1/16
2018-19	3	Bigarren B maila	11.a	2. itzulia
2019-20	3	Bigarren B maila	8.a	2. itzulia
2020-21	3	Bigarren B maila	6.a/4.a
2021-22	4	Bigarren maila RFEF	3.a (V multzoa)
2022-23	3	Lehen maila RFEF	6.a	1. itzulia
2023-24	3	Lehen maila RFEF		1. itzulia

2013-14an laugarren gelditu arren diru arazoengatik jeitsiarazia izan zen.

Palmaresa aldatu

Lehen maila aldatu

Posturik onena: 11.a 1944-45, 1945-46, 1983-84 eta 1986-87 denboraldietan.

Bigarren maila aldatu

Txapelduna (8): 1939-40, 1954-55, 1962-63, 1972-73, 1979-80, 1982-83, 1985-86, 2002-03.

Espainiako Federazioaren Kopa aldatu

Txapelduna (1): 2019-20

Kanpo estekak aldatu

(Gaztelaniaz) Real Murciaren webgune ofiziala

Datuak: Q12230
Multimedia: Real Murcia CF / Q12230