Lehen Federazioa

Lehen Federazioa (gaztelaniaz: Primera Federación), Espainiako futbol liga txapelketaren hirugarren maila da, bigarren B maila desagertuta 2021/2022 denboraldian abiatu zena. Sorreran, RFEF lehen maila (gaztelaniaz: Primera División RFEF) zuen izena.

Lehen Federazioa Primera Federación
Antolatzailea	Espainiako Futbol Federazioa
Konfederazioa	UEFA
Sorrera	2021-22
Eremua	Espainiar Estatua
Taldeak	40 (20 taldetako 2 multzo)
Maila	3
Igoera	2. mailara
Jeitsiera	Bigarren Federaziora
Garaipen gehien	Racing de Santander (1) Amorebieta (1) Deportivo Coruña (1)
Txapelduna	Deportivo Coruña (2023-24)
Webgunea	www.rfef.es

Sorrera

2019-2020 denboraldian 2.B mailako 28. jardunaldia jokatu ondoren COVID-19 pandemiaren erruz txapelketa etenda gelditu zen. Igoera promozioak jokatu ziren eta ez zen jeitsierarik izan. 100 talde bildu zirenez 2020-21 denboraldian bi fasetan jokatu zen eta 100 talde horietatik lauk bigarren mailara igotzea lortu zuten. Hurrengo 36 taldek eta Bigarren mailatik jeitsitako laurek maila berria osatu zuten 2021-22 denboraldirako, RFEF lehen maila hain zuzen ere. Gainerako taldeek Bigarren Federazioa osatu zuten, Espainiako futbol sistemako laugarren maila, Federazioaren ardurapeko bigarrena.

Lehia sistema

Sailkaturiko 40 taldeak 20 taldetako bi multzotan banatu ziren, gertutasun geografikoaren arabera. Liga amaitzerakoan talde bakoitzeko txapelduna zuzen igoko da Bigarren mailara eta multzo bakoitzean 2. eta 5. postuen artean geldituko direnek play-offak jokatu eta beste bi talde igoko dira.

Bigarren Federaziora jaitsiko dira multzo bakoitzeko azken bost taldeak.

Palmaresa

Urtea	Txapelduna	Emaitza	Finalista	Gainerako igoerak	Euskal taldeak
2021-22	Racing Santander	3-0	Andorra	Albacete Villarreal B	8. Real Unión 15. Bilbao Athletic 19. Tudelano
2022-23	Amorebieta	3-2 (3-0, 2-0)	Racing Ferrol	Alcorcón Eldense	1. Amorebieta 5. Real Sociedad B 7. Osasuna B 13. Real Unión 20. Bilbao Athletic
2023-24	Deportivo Coruña	6-3 (2-1, 2-4)	Castellón		9. Real Sociedad B 11. Sestao River 12. Osasuna B 15. Real Unión
2024-25					Amorebieta Real Sociedad B Sestao River Osasuna B Real Unión Bilbao Athletic Barakaldo

• igoera lortu zuten euskal taldeak
• maila galdu zuten euskal taldeak

Euskal taldeak

2024-25 denboraldia

Taldea	Hiria/Herria	Zelaia
Amorebieta	Zornotza	Urritxe
Barakaldo	Barakaldo	Lasesarre
Bilbao Athletic	Bilbo	Lezama
Osasuna B	Iruñea	Taxoare
Real Sociedad B	Donostia	Zubieta
Real Unión	Irun	Stadium Gal
Sestao River	Sestao	Las Llanas

Guztira

2024-25 barne.

Taldea	Denboraldiak
Real Unión	4
Bilbao Athletic	3
Real Sociedad B	3
Osasuna B	3
Amorebieta	2
Sestao River	2
CD Tudelano	1
Barakaldo	1

Ikus gainera

• Lehen maila RFEF 2021-22

Kanpo estekak

• Datuak: Q100146559