Ponpeio Estrabon
Gneo Ponpeio Estrabon (latinez: Gnaeus Pompeius Strabo; Pizeno, K.a. 135 – Erromatik hurbil, K.a. 87) Antzinako Erromako militar eta politikaria izan zen, kontsula K.a. 89an.
| Ponpeio Estrabon | |||||||||||
|---|---|---|---|---|---|---|---|---|---|---|---|
.jpg) | |||||||||||
ezezaguna - ezezaguna
K.a. 89 - K.a. 89
| |||||||||||
| Bizitza | |||||||||||
| Jaiotza | Pizeno, K.a. 135 | ||||||||||
| Herrialdea |  Antzinako Erroma | ||||||||||
| Heriotza | Erroma, K.a. 87 (47/48 urte) | ||||||||||
| Heriotza modua | : gaixotasun infekziosoa | ||||||||||
| Familia | |||||||||||
| Aita | Sextus Pompeius | ||||||||||
| Ama | ezezaguna | ||||||||||
| Ezkontidea(k) | Lucilia (en)  | ||||||||||
| Seme-alabak | |||||||||||
| Anai-arrebak | ikusi
| ||||||||||
| Leinua | Pompeia gens (en) | ||||||||||
| Hezkuntza | |||||||||||
| Hizkuntzak | latina | ||||||||||
| Jarduerak | |||||||||||
| Jarduerak | Antzinako Erromako politikaria | ||||||||||
Bizitza aldatu
Gneo Ponpeio Estrabon Pizenon jaio zen K.a. 135ean. Probintziarren aurkako aurreiritziak gaindituz, senatari hautatua izan zen; Pompeii familiako lehenbizikoa izan zen maila hori lortzen. Sardiniako kuestore (K.a. 103), pretore (K.a. 94) eta Siziliako propretorea (K.a. 93) izan zen.[1]
Gaitasun militarra erakutsi baitzuen, kontsul izendatu zuten K.a. 89an, Aliatuen Gerra betean, eta Erromako armadaren burua izan zen Italiako iparraldean. Bertan, Asculum setiatu eta, K.a. 89ko azaroan, hartu zuen. Gudu horretan lagundu zioten Hispaniako 30 zalduni erromatar hiritartasuna eman zien; haien izenak Ascoliko brontzea-n jasorik daude.[2]
Gerra amaitutakoan, Pizenora itzuli zen bere soldaduekin. K.a. 87an, Silak laguntza eskatu zion Gaio Mariori aurre egiteko. Hala ere, desadostasunak zirela eta, Silak armadaren buruzagitzatik kendu eta Kinto Ponpeio Rufo jarri zuen haren ordez. Estrabonen soldaduek, berriz, buruzagi berria hil zuten. Nolanahi ere, urte hartan bertan hil zen Estrabon, izurriteak jota. Orduan, Ponpeio Handiak, Estrabonen semeak, Pizenora eraman zituen aitaren legioak.
Erreferentziak aldatu
- ↑ Pompey. 1911 Encyclopædia Britannica, Volume 22, en.wikisource.org (Noiz kontsultatua: 2021-1-24).
- ↑ Amela Valverde, Luis. La Turma Salluitana y su relación con la clientela pompeyana. Veleia, 17 (2000), 79-92, addi.ehu.es (Noiz kontsultatua: 2021-1-25).
Kanpo estekak aldatu
Datuak: Q336538
Multimedia: Gnaeus Pompeius Strabo / Q336538
