Poltavako gudua

Poltavako gudua (suedieraz: Slaget vid Poltava; errusieraz: Полта́вская би́тва; ukraineraz: Полта́вська би́тва) 1709. urteko uztailaren 8an Errusiako Petri I.a Handia tsarraren eta Suediako Karlos XII.a erregearen armaden artean izan zen, Ukrainako lurretan. Iparraldeko Gerra Handiko gudu famatuenetarikoa da. Errusiarrak garaile izan ziren, eta orduan hasi zen Suediako Erresumak Europan zeukan indarra galtzen (ordura arteko potentzia handiena zen).

Poltavako gudua
Iparraldeko Gerra Handia
Denis Martens Gaztearen margolana, 1726
Data	1709ko uztailaren 8
Lekua	Poltava, egungo Ukraina 49°34.47′N 34°34.12′E
Koordenatuak	49°37′53″N 34°33′10″E
Emaitza	Errusiar erabateko garaipena
Gudulariak
Suedia Errusiar Inperioa
Buruzagiak
Carl Gustav Rehnskiöld Petri I.a Errusiakoa
Indarra
33.000 soldadu 60 kanoi 42.000-45.000 soldadu 72 kanoi
Galerak
6.900 hildako eta zauritu 2.800 preso 3.345 hildako 3.200 zauritu

Karlos XII.a eta bere armada Errusiako lurraldeetan oinazeak eta era askotako galerak jasaten ari ziren, baina zituzten indarrekin Vorskla ibaiaren ondoko Poltavako gotorlekua setiatu zuten. Petri I.aren armadak setioari erantzunez defentsako lerro bikoitzaz suediarrak inguratu zituen.

Karlos XII.ak 20.000 lagun inguru zituen berarekin, baina Petri I.ak 45.000. Beraz, egoera eta ondorioak suediarren kalterako izan ziren batez ere. Gudua goizaldean hasi zen, eguna argitu baino lehen, eta eguerdirako Karlos XII.ak erretiratzeko agindu zuen. Arratsalderako suediarrek Poltavako setioa bertan behera utzi zuten, eta hegoalderantz abiatu ziren, baina errusiarrak ondorik joan zitzaizkien. Handik hiru egunera suediarrak errenditu egin ziren. Karlos XII.ak eta bere laguntzaile batzuek Prut ibaia zeharkatzea lortu zuten, Otomandar Inperioaren menpeko Moldaviako Bender hirian babesa hartzeko.

Kanpo estekak

• Datuak: Q152486
• Multimedia: Battle of Poltava / Q152486