Phytoecia affinis
Phytoecia affinis Cerambycidae familiako kakalardoa da, zientziarako Harrerrek 1784an deskribatu zuena. Europa guztian hedaturik dago eta Euskal Herrian ere aurkitzen da[1].
| Phytoecia affinis | |
|---|---|
 | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Cerambycidae |
| Generoa | Phytoecia |
| Espeziea | Phytoecia affinis [[|]] |
Deskribapena aldatu
Tamaina ertaineko kakalardoa da, 9-16 mm artekoa[2]. Kolore urdin-gris iluna eta laranja-gorrixka konbinatzen ditu. Pronotoa gorrixka da eta bi puntu ilun deigarri ditu. Hankak ere gorrixkak dira. Elitroak ilunak dira eta gorputzaren azpialdea gorrixka.
Antena luzeak ditu, ia gorputzaren luzeraren bestekoak.
Habitata aldatu
Zelaietan, baso ertzetan, landu gabeko soroetan edo bertan behera utzitako landa eremuetan aurkitzen da. Larbek hezetasun handiko eta eguzkiak zuzen jotzen ez duten inguruneak atsegin ditu[2].
Bizi zikloa aldatu
Urtebeteko edo bi urtetako zikloak osa ditzake, baldintzen eta tokiaren arabera. Larbak landare apiazeoetan elikatzen dira, haien kimuetaz batez ere[2]. Landarearen oinarrian eratzen dute pupa. Apirila amaieran helduak ateratzen dira eta landare espezie beretan ikusten dira uztailerarte[2].
Iruditegia aldatu
-
Alboko ikuspegia. -
Hostoen gainean. -
Bikotea kopulan.
Erreferentziak aldatu
- ↑ «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
- ↑ a b c d «Phytoecia affinis affinis» www.cerambyx.uochb.cz (Noiz kontsultatua: 2024-04-27).
Kanpo estekak aldatu
Datuak: Q1950543
Multimedia: Phytoecia affinis / Q1950543
Espezieak: Phytoecia affinis
