Photobacterium generoa bakterio Gram negatiboz osatua dago, Vibrionaceae familian sailkatzen dena. Berezko ezaugarria dute genero honetako bakterioek besteekin alderatuta: biolumineszentzia sortzen dute, hots, argia ekoizteko gai dira.

Photobacterium
Sailkapen zientifikoa
ErreinuaPseudomonadati
FilumaPseudomonadota
KlaseaGammaproteobacteria
OrdenaVibrionales
FamiliaVibrionaceae
Generoa Photobacterium
[[|]]
Datu orokorrak
Gram tindaketabakterio gram-negatibo

Photobacteriumek bazilo itxura du, eta mugikorra da (kokapen polarra duten flageloei esker). Bakterio honen beste ezaugarri batzuk honako hauek dira:

Genero honetako bakterioak urtarrak dira. Itsasoan bizi dira, eta ClNa behar dute hazteko, halofiloak baitira. Batzuk aske bizi arren, gehienek sinbiosia egiten dute arrainekin, itsasoaren hondoan bizi diren arrain abisalekin, hain zuzen ere. Bakterioek ekoizten duten argiari esker arrainek hobeto ikusten dute beren inguru ilunetan. Biolumineszentziak, gainera, funtzio sexuala burutzen du, bikotekidea aurkitzen laguntzen baitio arrainari, eta harraparien aurkako defentsa-mekanismoa ere izaten da.

Bioluminiszentziaren atzean prozesu biokimiko bitxia dago: luziferina izeneko proteina oxidatu egiten da, luziferasa izeneko entzima batek katalizatzen duen erreakzio batean. Erreakzio honek behar duen energia ATPk ematen du. Oxidatzerakoan, luziferina egoera kitzikatu batean geratzen da segundo gutxitan, eta egoera normalera pasatzerakoan gehiegizko energia hori argi moduan askatzen du.

Genero honetako espezie batzuk (Photobacterium damselae-ren hainbat andui, esaterako) arrain-patogenoak dira, eta kalte handiak sor ditzakete arrain-haztegietan

Kanpo estekak aldatu