Ospel (gaixotasuna)

Beste esanahi batzuen berri izateko, ikus: «Ospel (argipena)»

Ospela edo azkordina —izen teknikoz, eritema pernioa— larruazal azpiko hantura da. Hazgalea eragiten du. Denbora luzez hotzaren eta hezetasunaren eraginez sortzen da. Eragina bat bateko tenperatura aldaketa izan daiteke. Agertzen denean, euskaraz, "ospelak atera" esaten zaio.

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Ospel (gaixotasuna)
Deskribapena
Mota	traumatismoa cold injury (en)
Espezialitatea	familia-medikuntza
Identifikatzaileak
GNS-10	T69.1
GNS-9	991.5
DiseasesDB	31219
MeSH	D002647

Ospelak behatzetan aterata.

Ezaugarriak

Gorputzaren atal gutxi batzuetan agertzen da, batez ere oinetan, eskuetan, behatzetan, sudurrean eta belarrietan. Hotza amaitzen denean hantura berez senda daiteke, tratamendu gabe, hiru astetan. Bitartean, egokia da erasandako aldeak bero edukitzea eta, askotan, hazgalea kentzeko ukendu bat ematea.

Aholkuak

• Ospelak ez izateko ona da gorputzaren atal bat oso hotz baldin badago, ez urratzea eta ezta ere bat batean berotzea.
• Hobe, etxean, gorputza berez poliki-poliki berotzea. Batzuetan prozesua orduetakoa izan daiteke.
• Prebentzio moduan atal ahulenak babestea egokia izan daiteke.
• Kasu zailetan nifedipina erabiltzen da.
• Ariketa fisikoa ere oso garrantzitsua da. Gaitza hau gehiago ematen baita pertsona sedentarioengana. Aire librean kirola egitea ere oso ona izan daiteke: bizikletaz ibiltzea, korrika egitea... Ospelak zirkulazio-aparatuaren ondoriozko arazoak dira eta, horregatik, horrelako ariketek arazoa deuseztatzen laguntzen dute.

Kanpo estekak

• (Ingelesez) Cold stress, National Institute for Occupational Safety and Health.

• Datuak: Q2141001
• Multimedia: Chilblains / Q2141001