Oliver Sacks

Oliver Wolf Sacks (Londres, 1933ko uztailaren 9a - New York, 2015eko abuztuaren 30a) nazioartean oso neurologo eta idazle ospetsua izan zen. Haren liburuak era atsegin eta dibulgatiboaz idatzita daude. Gaien aldetik berak ezagututako kasuetan oinarritzen da, hauek estilo pertsonalez eta erakargarriaz azalduz. Modu batez, zientzia azaltzeko modu hau XIX. mendearen estiloa berreskuratzen zuen.

Oliver Sacks
Irudi gehiago
Bizitza
Jaiotza	Willesden (en) , 1933ko uztailaren 9a
Herrialdea	Erresuma Batua
Bizilekua	New York
Heriotza	Greenwich Village, 2015eko abuztuaren 30a (82 urte)
Heriotza modua	berezko heriotza: liver metastasis (en)
Familia
Ezkontidea(k)	ezkongabea
Hezkuntza
Heziketa	Hall School (en) St Paul's School (en) The Queen's College (en) (1951 - 1958) Bachelor of Medicine, Bachelor of Surgery (en)
Hizkuntzak	ingelesa
Jarduerak
Jarduerak	idazlea, kimikaria, mediku idazlea, neurologoa, zientzia-dibulgatzailea, gidoilaria, unibertsitateko irakaslea eta medikua
Lantokia(k)	New York
Enplegatzailea(k)	Yeshiva University (en) Warwickeko Unibertsitatea Albert Einstein College of Medicine (en) New York University School of Medicine (en) Columbia Unibertsitatea  (2007 -  2012)
Lan nabarmenak	ikusi The Man Who Mistook His Wife for a Hat (en) Awakenings (en)
Jasotako sariak	ikusi John Simon Guggenheim Memorial Foundation beka Britainiar Inperioko Ordenaren komendadorea George Polk Award  (1993) Lewis Thomas Prize  (2001) Hawthornden Prize  (1974) Oskar Pfister Award  (1988) Emperor Has No Clothes Award  (2005) honorary doctorate from the Pontifical Catholic University of Peru Fellow of the American Association for the Advancement of Science  (2013) Bodley Domina  (2003)
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia
Sinesmenak eta ideologia
Erlijioa	ateismoa
oliversacks.com

Oliver Sacks 2009an.

Biografia

Oxfordeko Unibertsitatearen Queen's College graduatuta, Kaliforniako Unibertsitatean neurologiaz doktoregoa egin zuen. 1965etik New Yorken bizi da. Gaur egun Albert Einstein Medikuntza Eskolan neurologia irakasle klinikoa da. Halaber, New Yorkeko Unibertsitatearen neurologia irakaslea da eta Txiroen Arrebatxoen komentuan kontsulta darama.

Estiloa

Sacks-ek bere lanetan ez du arlo klinikoan sakontzen; gehiago interesatzen zaion gaixoen bizipenak eta ikuspuntuak. Nahiz eta gai ezkorra iruditu, Sacks alde baikorra bilatzen saiatzen da, arazoak dituzten pertsonek nola lortzen dute eguneroko bizimoduan moldatzen. Bere liburu ezagunena, Awakenings, 1990ean Penny Marshallek zinemara eraman zuen. Liburu horretan XX.mendeko hogeigarren hamarkadan gertatutako entzefalitis letargikoa izurritearen gaixoez kezkatu zen. Bere liburuetan azaldutako beste gaixotasun batzuk hauexek dira: Tourette sindromea, Parkinson gaixotasuna eta ikusmenaren agnosia azaldu ditu, besteak beste. Euskaratuta dagoen bere liburu bakarra, Antropologo bat Marten, Asperger sindromea pairatzen duen Temple Grandin irakasleari buruzkoa da.

Obrak

Artikuluetatik at, hauek dira orain arte argitaratu dituen liburuak:

• Migraine, 1970.
• Awakenings, 1973.
• A Leg to Stand On, 1984.
• The Man Who Mistook His Wife for a Hat, 1985.
• Seeing Voices: A Journey Into The Land of the Deaf, 1989.
• An Anthropologist on Mars, 1995. Euskaraz: Antropologo bat Marten. Euskaratzaileak, Xabier Olarrak. Euskal Herriko Unibertsitateko Argitarapen-Zerbitzua, 2003.
• The Island of the Colour-blind (total congenital color blindness in an island society, 1997.
• Uncle Tungsten: Memories of a Chemical Boyhood, 2001.
• Oaxaca Journal, 2002.
• Musicophilia: Tales of Music and the Brain, 2007.
• The Mind's Eye, 2010.
• Hallucinations, 2012.

Azken urteak

2006an melanoma diagnostikatu zioten eskuineko begian. Bederatzi urte geroago, 2015eko urtarrilean metastasiak topatu zizkioten gibelean eta burmuinean. Publikoki iragarri zuen gertakaria, bere bizipenekin batera: Bere bizitzaren azken hilabeteak bizi izan zituen modurik sakonenean eta konszienteenean. 82 urterekin hil zen Manhattango bere etxean.

Kanpo loturak

Wikimedia Commonsen badira fitxategi gehiago, gai hau dutenak: Oliver Sacks

• (Ingelesez): Oliver Sacks-en web ofiziala
• (Ingelesez): Oliver Sackes-en bideoak You Tuben

• Datuak: Q258662
• Multimedia: Oliver Sacks / Q258662