Zelta nazioak

Zelta Liga erakundeak zelta nazio gisa onartutako sei herrialdeak:

Irlanda

Eskozia

Zelta nazioak Europako mendebaldeko herrialdeak dira, hizkuntza zeltak erabiltzen dituztenak.

Keltoi hitz grekotik datorren zelta hitzaz beste, badira beste termino ezagun batzuk, adibidez: Keltia (zelten nazioa edo zelten lurraldea). Hortik eratorri da keltiar jentilizioa, zeltaren sinonimoa.

V. menderarte Britainiar Uharteak osoki eta Mendebaldeko Europaren zati bat zeltak ziren. Mendeak iragan hala, zelta hizkuntzak eta kultura kontinentearen ipar-mendebaldeko muturretan besterik ez ziren mantendu ahal izan, batez ere erromanizazioa berandu edota batere ez zutela jasan izan, bai eta germaniar jatorriko herrialdeak (Angloak, jutoak, bikingoak, saxoiak, normandiarrak...) bertatzea edota zelta herri hauek bereganatzea lortu ez izanaren ondorioz.

Zelta nazio edo herrialdeak

Gaur egun, sei naziok betetzen dituzte irizpide horiek, Iberiar penintsulako lurralde batzuek ere beren burua zeltatzat hartzen duten arren.

Zelta Liga erakundearen arabera honako sei herrialde hauek dira:

Herrialdea	Zelta izena	Hizkuntza	Herritar izena	Biztanleak	Hiztunak
Eskozia	Alba	Gaelera (Gàidhlig)	Eskoziar	5 milioi	92.400 (%1,8)
Irlanda	Éire	Irlandera (Gaeilge)	Irlandar	6 milioi	355.000- 1,8 milioi (%5,9)
Man	Ellan Vannin	Manxera (Yn Ghaelg)	Manxar	70.000	< 1.700 (< %2,4)
Gales	Cymru	Galesera (Cymraeg)	Galestar	3 milioi	> 750.000 (> %25)
Kornualles	Kernow	Kornubiera (Kernewek)	Kornubiar	500.000	3.500 (%0,7)
Bretainia	Breizh	Bretainiera (Brezhoneg)	Bretoi	4 milioi	500.000 (%12,5)

Iberiar penintsulan

Penintsularen iparraldean, herrialde batzuek ez dituzte zelta naziotzat hartzeko historia edo hizkuntza irizpideak betetzen, baina ustezko arrazoi "kulturalak" direla eta, euren burua zeltatzat hartzen dute. Galizia eta Asturies dira nagusiki; eta, neurri apalago batean, Leon eta Kantabria ere bai.