Moskuko matematika-papiro
Moskuko matematika-papiroa egiptiar papiro zahar bat da, Golenistxoven matematika-papiroa izenez ere ezaguna, zeren Vladimir Golenistxov egiptologoa papiro horren lehenengo jabea izan baitzen. Golenistxovek erosi zuen papiroa 1892an edo 1893an Tebasen. Gaur egun, Moskuko Puxkin Estatu Arte Ederren Museoan dago. Papiro hori zerrenda mehar bat da, 5,5 m luze eta 3,8-7,6 cm zabal neurrietakoa, eta 25 problema ditu idazkera Hieratikoan.
Moskuko matematika-papiroko 14. probleman, lau angeluko oinarriko piramide-enbor baten bolumena kalkulatzeko eskatzen da. Idazlari egiptiarrak azaltzen ditu pausoak: 2 eta 4 ber bi egin (t², b²), 2 bider 4 egin (tb), aurreko emaitzak batu (t² + b² + tb), eta 6-ren heren batekin biderkatu (h/3); amaitzen du esanez: «ikusten?, 56 da, zuzen kalkulatu duzu». Gaur egungo notazio aljebraikoan honela da: V = h (t² + b² + tb) / 3
Ikus, gainera aldatu
Kanpo estekak aldatu
Datuak: Q926547
Multimedia: Moscow Mathematical Papyrus / Q926547
