Minamoto no Yorimasa

Minamoto no Yorimasa (japonieraz: 源頼政, Minamoto no Yorimasa, 1106-1180) edo Gensanmi (japonieraz: 源三位) , Minamoto klaneko samurai bat izan zen, eta klaneko armaden buru Genpei Gerrak hasi zirenean. Seppuku bidez bere buruaz beste egitea ospetsua da, eta praktika hau abiarazi zuena bezala hartu zen.

Minamoto no Yorimasa
Irudi gehiago
Bizitza
Jaiotza	1106
Herrialdea	Japonia
Heriotza	1180ko ekainaren 20a (73/74 urte)
Heriotza modua	suizidioa: sastakatzea
Familia
Aita	Nakamasa Minamoto
Ama	Fujiwara no Tomozane's daughter
Ezkontidea(k)	Joriko Minamoto (en)
Seme-alabak	ikusi Minamoto no Nakatsuna (en) Nijō-in no Sanuki (en) Minamoto no Yorikane (en) Minamoto no Hirotsuna (en) MINAMOTO no Yorimasa's daughter (FUJIWARA no Takayasu's wife) (en) Q106762170 Q106762187
Familia	ikusi Minamoto no Kunimasa (en) (adopted child (en) ) Minamoto no Muneyori (ancestors of the Oguni clan) (en) (adopted child (en) ) The great-grandson of Minamoto no Yorimasa (the Miyajin of Emperor Gosaga) (en) (birbiloba) Minamoto no Masatsuna (en) (adopted child (en) ) Minamoto no Kanetsuna (en) (adopted child (en) ) Minamoto no Nakaie (en) (Youzi (en) )
Hezkuntza
Hizkuntzak	japoniera
Jarduerak
Jarduerak	poeta, idazlea eta militarra

Biografia

Gerlaria baino gehiago olerkaria zelarik, Yorimasa, bere bizitzan zehar, Minamoto eta Taira klanen arteko borroketatik at geratzen saiatu zen, eta aldea aukeratzea eragotzi zuen, Taira no Kiyomoriren laguna izatera ere iritsi zelarik. 1160ko Heijiren matxinadan, Go Shirakawa inseiaren alde eginez, lau urte lehenago, 1156an, Hogenen matxinadan egin zuen bezala, kontua Tairatarren alde jartzeko eta Minamototarrak tokitik kentzeko haina egin zuen.

Baina, ofizialki bere zerbitzutik erretiratzen denean, Kiyomoriren armadan, 1179an, bere klanaren beraren aurka jartzeari buruz iritziz aldatzen hasten da, Go Shirakawa eta Kiyomoriren arteko harremanak oso tirabiratsuak bihurtu, eta, azken honek, enperadore agurea atxiloarazi duen bitartean, Tairatarren aurkako oposizio indartsu bat eraginez.

1180ko martxoak 21ean, Taira no Kiyomorik, tronu inperialean, bi urteko bere biloba den Antoku jartzen du, Takakura enperadoreak tronua utzi ondoren. Mochihito printzea, Go Shirakawaren semea, bere tronurako eskubidea lapurtu diotelarik, Yorimasak, maiatzak 5ean, samurai familia ezberdinei armetara deitzea eragiten du, Kiyomorik iraindu zituen monasterio budistak bezala.

Genpei Gerrak, ofizialki, Ujiko lehen guduarekin hasten dira, ekainak 23an. Yorimasak zuzentzen ditu Minamototarren tropak, Mii-dera tenpluko sohei edo monje-gerlariekin batera, printzea babestua dagoen Byodo-ina defendatzeko.

Yorimasa, printzeari ihes egiten laguntzen saiatzen da, baina gezi batek zauritzen du. Harrapatua izatea eragozteko, seppuku bidez bere buruaz beste egiten du, aurretik, olerki bat idatzi zuelarik. Ezagutzen den lehen seppukuetako bat da, eta hurrengoentzako prozedura kodetu duena. Mochihito printzeak, Nararantz ihes egitea lortu zuen, baina egun batzuk beranduago hil zen, Taira gerlarien esku.

Olerkiak

Minamoto no Yorimasaren olerkiak, Yorimasa Kashu antologian bilduak izan dira, baita Shin Kokin Shu eta Senzai wakashu antologia inperialetan ere.

Elezaharra

Heike monogataritik ateratako elezahar batek, 1153an, Yorimasak, gezikadez, jauregi inperialaren teilatuan pausatu zen nue bat hil zuela dio.

Wikimedia Commonsen badira fitxategi gehiago, gai hau dutenak: Minamoto no Yorimasa

• Datuak: Q164948
• Multimedia: Minamoto no Yorimasa / Q164948