Michael Graves

Michael Graves (Indianapolis, Indiana, 1934ko uztailaren 9a - Princeton, New Jersey, 2015eko martxoaren 12a) Estatubatuar arkitekto eta diseinatzailea zen.

Michael Graves
Irudi gehiago
Bizitza
Jaiotza	Indianapolis, 1934ko uztailaren 9a
Herrialdea	Ameriketako Estatu Batuak
Heriotza	Princeton, 2015eko martxoaren 12a (80 urte)
Hezkuntza
Heziketa	Harvard Unibertsitatea Harvard Graduate School of Design (en) University of Cincinnati (en) Broad Ripple High School (en)
Hizkuntzak	ingelesa
Ikaslea(k)	ikusi John Hoke III (en)
Jarduerak
Jarduerak	arkitektoa, unibertsitateko irakaslea eta diseinatzailea
Lantokia(k)	New York Tokio Brusela eta Haga
Enplegatzailea(k)	Princetongo Unibertsitatea
Lan nabarmenak	ikusi Walt Disney World Swan (en) Team Disney (en) Disney Hotel New York - The Art of Marvel (en)
Jasotako sariak	ikusi Rome Prize National Medal of Arts New Jersey Ospe-aretoa Fellow of the American Institute of Architects
Kidetza	Ameriketako Estatu Batuetako Arte eta Letren Akademia
Mugimendua	arkitektura postmodernoa
michaelgraves.com

The Portland Building, Oregonen

Ibilbide profesionala

Erroman egon zen bi urtetan, pintura eta eskultura klasikoak ikasi zituen, eta horrek eragin handia izan zuen haren obran. 1964an bere estudioa zabaldu zuen, Princetonen bertan.

Arkitekturan, Gravesen lana, Le Corbusierren lanaren eta kubismoaren eraginpean, klasizismo postmodernoaren barruan koka daiteke. 1969an, Kenneth Framptonek Bost arkitektoak taldea aurkeztu zuen New Yorkeko Arte Modernoko Museoak antolatutako sariketa batean. Talde horretako partaideak Einsenmann (1932), Charles Gwathmey (1938), John Hejduk (1929), Richard Meier (1934) eta Graves bera ziren. Haien lanak Five Architects liburuan argitaratu ziren, eta liburua garai hartako arkitektura-eztabaidaren erdigunea bihurtu zen. Liburuan agertzen ziren Gravesen lanen artean, aipagarriak dira Hanselmann House (Hanselmann etxea, Fort Wayne, Indiana, 1967), edo Benacerraf House (Benacerraf etxea) lanaren eranskina (Princeton, 1969). Lan horietan, Graves, bere arkitekto lagunak bezalaxe, Le Corbusierren 1920ko hamarraldiko formetara itzuli zen.

Aurrerago, Gravesek Boullée eta Ledouxen lanak hartu zituen eredutzat, eta geroago Antzinaro klasikokoak. Bere postmodernismo formalean bezala, Gravesek abstrakzio-maila handi batera eraman zuen neoklasizismoa. Panelak, kartelak, jantziak, alfonbrak eta altzariak diseinatu zituen, familia-etxebizitzak, etxebizitza-sailak eta arte-galeriez gainera. 1980-1982 bitartean bere obra nagusia eraiki zuen, Portland Building (Portlandeko Administrazio Publikorako etxea, Oregon), kubo-itxurako eraikintzarra, eztabaida ugari sortu zituena.

Eraikuntzaren funtzionaltasuna fatxadaren konposizioaren mendean utzi zen, baina langileek hala eskatuta, fatxadako leiho-zuloak zabaldu egin behar izan zituzten. Beste lan batzuk: San Juan Capistrano Library (1983), Espainiako kolonien estilokoa; Humana Building eraikuntza, granito arrosazko etxe orratza (Lousville, Kentucky); Witney Museoaren zabaltze-lanak (New York); eta Walt Disney Worldeko hotela eta konbentzio-zentroa (Orlando, Florida).

Hainbat sari jaso zituen; besteak beste, 1999an, National Medal of Arts delakoa (Arteen Domina Nazionala); 2001ean, American Institute of Architects erakundeak Urrezko Domina eman zion, eta 2010ean, erakunde berberak Topaz Dominarekin saritu zuen.

Etxerako eta kontsumorako gailuak ere diseinatzeari ekin zion, 1980ko eta 1990eko hamarkadetan bereziki.

2003an izan zuen jatorri ezezaguneko infekzio baten ondorioz, Gravesek gerritik beherako paralisia izan zuen, baina lanean jarraitu zuen. 2015ean hil zen.

Iruditegia

Arkitektura

• 
  Portland Building.
• 
  Humana Building.
• 
  Shenandoah Haraneko Museoa.
• 
  AEBetako Garraio Departamentuaren egoitza.

Kontsumo objektuak

• 
  Kaferako ontziteria.
• 
  Portzelanazko kaferako ontziak.
• 
  Teontzia.

Erreferentziak

Wikimedia Commonsen badira fitxategi gehiago, gai hau dutenak: Michael Graves

• Datuak: Q314636
• Multimedia: Michael Graves / Q314636