Memmingen Alemaniako Bavaria estatu federaleko hiria da, Suabia eskualdeko hiri askea. Baden-Württemberg estatuarekiko muga egiten duen Iller ibaia igarotzen da Memenigenen mendebaldetik. Erdi Aroko alde zaharra Alemania hegoaldean ongien kontserbaturikoa da.

Memmingen
Memmingen
major regional center (en) Itzuli
Administrazioa
Estatu burujabe Alemania
Alemaniako estatua Bavaria
Gobernu-eskualdeSuabia
AlkateaJan Rothenbacher (en) Itzuli
Izen ofizialaMemmingen
Jatorrizko izenaMemmingen
Posta kodea87700
Udalerri kodea09764000
Geografia
Koordenatuak47°59′16″N 10°10′52″E / 47.9878°N 10.1811°E / 47.9878; 10.1811
Map
Azalera70 km²
Altuera601 m
MugakideakUnterallgäu (en) Itzuli, Biberach district (en) Itzuli eta Landkreis Ravensburg (en) Itzuli
Demografia
Biztanleria45.857 (2022ko abenduaren 31)
1.136 (2021)
alt_left 23.210 (%50,6) (%49,4) 22.647 alt_right
alt_left 22.127 (%48,3) (%47,3) 21.710 alt_right
Dentsitatea655,1 bizt/km²
Informazio gehigarria
Telefono aurrizkia08331
Ordu eremuaUTC+01:00 eta UTC+02:00
Hiri senidetuakSilvi, Auch, Glendale (Arizona), Teramo, Eisleben, Kiryat Shmona (en) Itzuli, Karataş (en) Itzuli, Litzelsdorf (en) Itzuli, Txernihiv, Bruntál eta Colmar
MatrikulaMM
memmingen.de

Historia aldatu

Badirudi gaur egungo Memmingenen jatorria erromatarren Cassiliacum gotorleku militarrean dagoela. Ziurra dena da alamaniarren asentamendu bat bertan izan zela V mendean eta VII mendean frankoak bizi zirela bertan. Antzinako bi ibilbide garrantzitsu pasatzen ziren bertatik, alde batetik "gatzaren bidea", Lindautik Munichera eta ondoren Austria eta Bohemiara zihoana, eta bestetik "bide italiarra" Alemania Suitza eta Italiarekin lotzen zuena. Honen ondorioz 1158an fundaturiko Mammingin hiria, merkatal hiri garrantzitsua bihurtu zen eta 1286an inperial hiri askea bihurtu zen.

Martin Lutherren ideiak nekazariei aplikatzeko Hamabi Artikuluak dokumentua idatzi zen 1525ean Memmingenen. Hau kontsideratzen da Europa osoko lehenengo eskubide zibilen deklarazioa. Bi hilabete eskasetan Europan zehar 25.000 kopia barreiatu ziren. 1632an Hogeita Hamar Urteko Gerraren barruan suediarrek okupatu zuten hiria eta beren gudalosteen oinarrizko kanpaleku bihurtu zuten. 1802tik aurrera Bavariaren barnean dago.

Bigarren Mundu Gerran ingurua oso bonbakatu izan zen baina hiriaren alde zaharra ez. Horregatik oraindik erdi aroko etxe, patio eta gotorlekuak ikus daitezke.

 
Harresiaren mendebaldeko atea

Ondasun nabarmenak aldatu

Alde zaharrean patrizioen etxe barrokoak daude, udaletxea pizkunde garaikoa da eta erdi aroko merkatu plaza dauka. Stadtbach erreka pasatzen den kale bitxiak ditu eta hiriko harresien bi kilometro inguru mantentzen dira oraindik, bere ate eta dorreekin. Honetaz gain aipatzekoak dira:

  • San Martin eliza (St. Martinskirche): XVI mendeko eliza gotikoa da.
  • Andre Mariaren eliza (Unser Frauenkirche): hiriko elizarik zaharrena da. XV eta XVI mendetako freskoak ditu.
  • Kreuzherren monasterioa: XVII mendeko monasterio barrokoa da.
  • Zazpi teilatutako etxea (Siebendaecherhaus): 1601ean eraikitako etxea da.

Kultura aldatu

Urtero Arrantzaleen eguna (Fischertag) ospatzen da, hiria Erdi Arora itzultzen den jaia da hau. Bestalde lau urtetik behin Wallenstein Festival jaialdia izaten da, 4500 biztanlek XVII mendeko Wallensteinen etorrera antzezten dutelarik.

Hiri senidetuak aldatu

Memmingen ondorengo hiriekin senidetuta dago:

Demografia aldatu

Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.

Ikus jatorrizko Wikidatako eskaera eta iturriak.


Kanpo estekak aldatu