Mellita quinquiesperforata
Mellita quinquiesperforata, lokatza, kazolatxoa, harea-dolarra edo itsas galleta izenez ezaguna, ekinodermatu bat da. Herritarren artean ematen zaizkion izen horiek bere forma xata eta obalatuagatik dira. Ozeano Atlantikoan kostaldean dituzten Amerikako herrialde askotan aurki daiteke.[1]
Mellita quinquiesperforata | |
---|---|
Sailkapen zientifikoa | |
Erreinua | Animalia |
Filuma | Echinodermata |
Klasea | Echinoidea |
Ordena | Echinolampadacea |
Familia | Mellitidae |
Generoa | Mellita |
Espeziea | Mellita quinquiesperforata Leske, 1778 |
Deskribapena aldatu
5 eta 10 cm arteko diametroa du, gorputzak simetria erradiala du eta laua da. Sabelaldean tumulu eta zilio txikiak ditu, eta lokomoziorako erabiltzen ditu. Bere gorputz azalerak arantza txikiak ditu. Bizkarraldean egitura petaloideak ikus daitezke, brankia gisa erabiltzen direnak. Gainazaletan bost irekidura edo zulaketa obalatu ditu, lunula esaten zaienak, eta, ezaugarri horregatik, bere izen espezifikoa quinquiesperforata da. Oro har, kolore arrea, grisa edo berdexka izaten du.[2][3]
Habitat aldatu
Habitat desberdinetan aurki daitezke: hondoa hareatsua edo harritsua duten hondartzetan, koralezko arrezifeetan eta kostaldeko leku tropikal eta subtropikaletan. Infaunaren elementu gisa, bizi diren substratuetan dauden animalia eta landare mikroskopikoez elikatzen dira. Organismo horien erregistro batimetrikoa 0 eta 180 metro arteko sakoneran dago.
Banaketa aldatu
Ozeano Atlantikoan kostaldean dituzten Amerikako herrialde askotan aurki daiteke. Estatu hauetan aukitua izan da: Ameriketako Estatu Batuak, Kolonbia, Costa Rica, Kuba, El Salvador, Mexiko, Dominikar Errepublika, Honduras, Jamaika, Nikaragua, Panama, Puerto Rico, Venezuela, Brasil... Asian Andaman uhartetan ikusia izan da.[3]
Erreferentziak aldatu
- ↑ Cervigon, Fernando. y Velázquez Efigenio. (1981): Nombre vernáculos de organismos marinos del Estado Nueva Esparta. Fernando Cervigon Editor Caracas-Venezuela. 53 or.
- ↑ Zoopy, Evelyn. 1967: "Contribución al conocimiento de los equinodermos de Venezuela". Acta Biologica Venezuelica, 5(17):267-333.
- ↑ a b Serafy, D. Keith. & Fell, F. Julian. 1985: Marine flora and fauna of the Northeastern United State Echinodelrmata: Echinoidea. NOAA Technical Report NMFS 33
Kanpo estekak aldatu
- (Ingelesez):World Register of Marine Species (WoRMS): Mellita quinquiesperforata (Leske, 1778):
- (Ingelesez):Integrated Taxonomic Information System (ITIS): Mellita quinquiesperforata (Leske, 1778) Taxonomic Serial No.: 158020
- (Ingelesez):Encyclopedia of Life: Mellita quinquiesperforata
- (Ingelesez):Biodiversity Heritage Library (BHL): Mellita quinquiesperforata