Martin Alustiza
| Alustiza | ||||
|---|---|---|---|---|
| Izen osoa: | Martin Alustiza Gereñu | |||
| Jaiotza data: | 1961eko abenduaren 18a (62 urte) | |||
| Jaioterria: | Segura, Gipuzkoa (  EH)
| |||
| Pilotaria | ||||
| Modalitatea: | esku huskako pilota | |||
| Postua: | aurrelaria | |||
| Debutatze data: | 1980eko uztailaren 19a | |||
| Debutatze pilotalekua: | Bergarako pilotalekua | |||
| Erretiratze data: | 2007ko maiatzaren 14a | |||
| Erretiratze pilotalekua: | Zamora | |||
Martin Alustiza Gereñu, pilota arloan Alustiza deituraz ezaguna (Segura, Gipuzkoa, 1961eko abenduaren 18a) esku huskako pilotari profesional ohia da. Empresas Unidas, Asegarce eta Frontis enpresentzat jokatu zuen, aurrelari.
Ibilbide profesionala aldatu
Profesional mailan 1980ko uztailaren 19an debutatu zuen, Empresas Unidas enpresarekin, Bergaran. Pixkanaka-pixkanaka bere lekua egiten hasi zen, eta azkenean bere lehenbiziko titulua bereganatu zuen: 1984ko Bigarren Mailako Esku Huskako Pilota Txapelketa, finalean Urrari irabazita.
Ordudanik Lehen Mailako pilotarien taldera iragan zen, eta han titulu handi bat bereganatu zuen: 1993ko Esku Huskako Binakako Txapelketa Nagusia, Maiz II.a bikote zuela. Era berean, 1986ko, 1987ko eta 2001eko finalak ere jokatu zituen.
Bere gaitasun handienak segurtasuna eta kantxan ondo kokatzea ziren. Bi ezaugarri horiei esker, garai hartako profesional mailako pilotarien artean defentsarik onenetakoa izan zuten; beraz, menperatzeko oso aurkari latza zen. Gainera, erremate errepertorio zabala zuen.
1992an Asegarce enpresara igaro zen, eta haiekin aritu zen 2003 arte. Bere ibilbide profesionala Frontis enpresan amaitu zuen, eta 2007an ASPE enpresak intendente lanetarako kontratatu zuen.
Esku Huskako Binakako Txapelketa Nagusiko finalak aldatu
| Urtea | Txapeldunak | Txapeldunordeak | Tantuak | Pilotalekua |
|---|---|---|---|---|
| 1985-86 | Bergara II.a - Martinikorena | Alustiza - Tolosa | 22-15 | Anoeta |
| 1986-87 | Ladutxe - Tolosa | Alustiza - Galarza III.a | 22-14 | Anoeta |
| 1992-93 (1) | Alustiza - Maiz II.a | Titin III.a - Arretxe | 22-20 | Ogeta |
| 2001 | Olaizola I.a - Goñi III.a | Alustiza - Beloki | 22-13 | Atano III.a |
(1) 1992-93ko denboraldian Unidas-Reur eta Asegarce esku pilotako enpresen desadostasunen ondorioz bi txapelketa ospatu ziren.
Esku pilotako 2. Mailako finalak aldatu
| Urtea | Txapelduna | Txapeldunordea | Tantoak | Pilotalekua |
|---|---|---|---|---|
| 1983 | Esnaola | Alustiza | 22-07 | Anoeta |
| 1984 | Alustiza | Urra | 22-08 | Anoeta |
Datuak: Q9029762
