María Jesús Avila Corchero
María Jesús Avila Corchero (Cáceres, 1966) irakaslea eta Helga de Alvear Arte Garaikidearen Museoaren koordinatzailea da. Espainiako Artearen Historiako doktorea da.[1]
| María Jesús Avila Corchero | |
|---|---|
| Bizitza | |
| Jaiotza | Cáceres, 1966 (57/58 urte) |
| Herrialdea |  Espainia |
| Hezkuntza | |
| Heziketa | Extremadurako Unibertsitatea |
| Hezkuntza-maila | doktoretza |
| Jarduerak | |
| Jarduerak | koordinatzailea, ikertzailea, irakaslea, erakusketa-komisarioa eta eduki-editorea |
| Enplegatzailea(k) | Chiado Museum (en)  (1994 - 2007)Culturgest (en) (2007 - 2008)Helga de Alvear Arte Garaikidearen Museoa (2008 - |
Biografia aldatu
Cáceresen jaio zen 1966an. Extremadurako Unibertsitatean Artearen Historian doktoretza lortu zuen, Ortega Muñoz margolaria.1899-1982 izenburudun tesiarekin.[2][3]
Lan ibilbidea aldatu
Museo- kontserbadore aldatu
1994tik 2007ra Lisboako Museu do Chiado-Museo Nacional de Arte Contemporânea-n kontserbadorea izan zen. 2008an, Lisboako Culturgest bildumaren arduraduna izan zen.[2] Eta 2008az geroztik Caceresko Helga de Alvear Fundazioaren Ikusizko Arteen Zentroko koordinatzailea da.[4]
Artistei eta arte moderno eta garaikideari buruzko erakusketak komisariatu ditu: … y el tiempo se hizo (2015), Arte Moderno en Portugal (Salamanca, Madril eta Badajoz, 2007-2008), A cor como esperiencia (2006), Primeiros Modernismos em Portugal (2005) edo Surrealismo em Portugal 1934-1952 (Badajoz, Lisboa eta Madril, 2001-2002).
Besteak beste, artista hauexek komisariatu ditu: Mitsuo Miura (2018), Jürgen Klauke (2017) eta Jean-Marc Bustamante. Espacios transitorios (2016), Heim Semke (2005), Sá Nogueira (1998), Ana Hatherly (1997) eta Mário Eloy (1996).[2]
Cáceresko Foro Sur (2003 eta 2007-2011) azokako 'kuradore'-taldeko kidea izan da.[2]
Portugalen egindako lehenengo bi katalogo arrazoituen egilekidea da: Joaquim Rodrigo (1999) eta Julião Sarmento. Ediçoes numeradas (2006), Ortega Muñoz liburuko Museu do Chiadoko (2011-2013) hiru bildumetakoa, eta artikuluekin lankidetzan aritu da arte-katalogo eta arte-aldizkari askotan.[2]
Ikertzaile aldatu
1995etik 1999ra Extremadurako Unibertsitateko Artearen Historiaren Departamentuko irakasle laguna izan zen. 2005etik 2006ra Lisboako Nova Univertsitateko irakaslea.[2] Museografiarekin eta arte garaikidearen kontserbazioarekin zerikusia duten ikerketa-proiektuetan parte hartu du: Documentação da Arte Contemporânea proiektuko taldeko kide zuzendaria, Portugalgo Fundação para a Ciência e a Tecnologia-k finantziatua,[5] MIDAS aldizkariko Batzorde Zientifikoko kidea,[6] Museoen Sare Portugaldarraren aldi baterako erakusketen ekoizpenari buruzko ikastaroaren zuzendaritza (2002-2005) eta El arte contemporáneo, una herramienta educativa pluridisciplinar (2013-2014); aldizkari eta biltzar espezializatuetako artikuluak, hala nola museologia-pt, APHA aldizkaria, Studies in conservation, Modern Paints Uncovered (Getty, 2006) edo ICOM-CC (2011), eta ikerketa-lanen, masterren eta doktorego-tesien zuzendari-kidea.[2]
Erreferentziak aldatu
- ↑ (Gaztelaniaz) ARTEINFORMADO. (20140603). «María Jesús Ávila. Comisario» ARTEINFORMADO (Noiz kontsultatua: 2023-06-21).
- ↑ a b c d e f g «María Jesús Ávila Corchero» SUPERTRAMA | PROGRAMA DE ARTE PÚBLICO DE EXTREMADURA 2019-02-21.
- ↑ Avila Corchero, María Jesús. (1995). El pintor Ortega Muñoz. 1899-1982. Universidad de Extremadura.
- ↑ «Una experta al servicio del arte» Hoy 2017-01-16.
- ↑ FCT/UNL. «Documentação de Arte Contemporânea» www.dcr.fct.unl.pt.
- ↑ «Comité Científico» MIDAS 2020-11-16.
Kanpo estekak aldatu
- Fundación y Museo Helga de Alvear: un proyecto, tres fases. María Jesús Ávila, Helga de Alvear Arte garaikidearen Museoa, 2021.11.29
Datuak: Q118612368
