Magreb Arabiarraren Batasuna
Magreb Arabiarraren Batasuna (MAB; arabieraz: اتحاد المغرب العربي Ittiḥād al-Maghrib al-‘Arabī; frantsesez: Union du Maghreb arabe, UMA) Afrika iparraldeko Magreb lurraldeko zenbait estatu biltzen dituen erakunde politikoa da.
| Magreb Arabiarraren Batasuna | ||
|---|---|---|
| ||
 | ||
| Datuak | ||
| Mota | gobernu arteko erakundea | |
.svg) | ||
| Historia | ||
| Sorrera | 1989 | |
| webgune ofiziala | ||
Ezaugarriak aldatu
1989an sortu zuten, lurralde hartako egoera ekonomiko, politiko, militar, kultural eta soziala sustatzeko, eta etorkizunean Ipar Afrikako merkatu komun bat sortzeko. Estatu sortzaile eta kideak Aljeria, Libia, Maroko, Mauritania eta Tunisia dira. Erakundearen egoitza Tunisiako hiriburuan, Tunisen, dago. Erakundearen organorik gorena Presidentzia Kontseilua da; bost herrialde kideetako buruzagiek osatzen dute, eta bi urtetik behin biltzen dira. Presidentzia Kontseiluaren bilerak prestatzea, Atzerri Ministroen Kontseiluaren betebeharretako bat da. Aholkularitza talde bat ere sortu dute, Aholkularitzarako Kontseilua, herrialde bakoitzeko hamarna ordezkariz osatua. Administrazio lanak Idazkaritza Nagusiaren esku daude. Justizia Auzitegi bat ere bada, herrialde bakoitzeko bina epailez osatua. Erakundearen Presidentzia txandakakoa da. Magreb lurraldeko arazo politiko eta ekonomikoak direla-eta, sorrerako helburuak betetzeko zailtasunak sortu dira. 1994 arte onartuta zeuden egitasmo batzuk: merkataritza librerako eremu baten sorrera, garraiobideen hobekuntzak, airelinea komunak sortzea, mugen batasun baten sorrera eta kanpo merkataritzarako eta inbertsiotarako Magrebeko banku bat osatzea. Lorpen nagusiak izan dira batetik, inbertsiotako magrebiar banku baten sorrera, eta bestetik, Europar Batasunarekiko itun bat, etorkizunean (behin herrialde kideen artean merkataritza eta diru batasuna lortutakoan) negoziaziotan hasteko. Hori lortzeko, ordea, lehendabizi lurralde hartako zenbait arazo konpondu beharko dituzte, Sahara mendebaldekoa eta Aljeriako Gerra Zibila esate baterako.
Kideak aldatu
| Herrialdea | Azalera (km²) | Biztanleria (milioi, 2011) |
BPG (PPP) (USD, per capita) |
BPG (nominal) (bilioi USD) |
GGI (2014)[1] |
|---|---|---|---|---|---|
 Aljeria |
2.381.741 | 37,1 | 7.200 | 183,4 | 0,717 |
 Libia |
1.759.540 | 6,7 | 14.100 | 177,9 | 0,784 |
 Mauritania |
1.025.520 | 3,4 | 2.200 | 4 | 0,487 |
 Maroko |
710.850 | 32,3 | 5.100 | 103,8 | 0,617 |
 Tunisia |
163.610 | 10,7 | 9.500 | 48,9 | 0,721 |
| MAB | 6.041.261 | 88,5 | 7.620 | 516 | 0,665 |
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015-10-30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Datuak: Q370862
Multimedia: Arab Maghreb Union / Q370862
