Macintosh gaur egun Apple Inc. konpainiak diseinatu, garatu, eraiki eta merkaturatutako edozein ordenagailu pertsonali erreferentzia egiteko erabiltzen den izena da.

Denboran atzera joanda: MacBook Air (2015), iMac G5 20" (2004), Macintosh II (1987), Power Mac G4 Cube (2000), iBook G3 Blueberry (1999) eta jatorrizko Macintosh 128K (1984)
Macintosh 128K, lehen Macintosh ordenagailua, 1984an merkaturatua.

Macintosh 128K 1984ko urtarrilak 24an merkaturatu zen. Arrakastarekin merkaturatu zen lehen ordenagailu pertsonala izan zen, erabiltzaile interfaz grafiko bat eta xagu bat erabiltzen zituena komando lerroaren ordez. Mac produktu gama gaur egun idazlekuko oinarrizko Mac minitik MacPro Server bezalako maila ertaineko zerbitzagailuetara aldatzen da.

Mac sistemek, merkatu helburu nagusi bezala etxea, heziketa eta kreatibotasun profesionala ditu. Macen ekoizpena integrazio bertikaleko eredu batean oinarritua dago, non Applek bere hardwareko arlo guztiak ematen dituen eta bere operatze sistema propioa sortzen duen, Mac guztietan aurreinstalatua datorrena. Honek, Microsoft Windowsekin aurreinstalatutako ordenagailu pertsonalekin kontrastatzen du, non saltzaile batek operatze sistema ematen duen eta saltzaile ugarik hardwarea sortzen duten. Bi kasuetan, hardwareak beste operatze sistema batzuen funtzionamendua ahalbidetzen du: egungo Macak, PCak bezala, Linux, FreeBSD eta Windows bezalako operatze sistemak jasateko gai dira, azken hau Applen Boot Camp softwarea edo Parallels Desktop edo VMWare Fusion bezalako beste birtualizazio software batzuei esker.. Gaur egun, posible da, baita ere, Applen operatze sistema aldatzea existitzen den hardware gehienarekin bateragarri egiteko; OSx86 mugimendua deiturikoa da.

Lehen Macintoshak CISC teknologiako Motorola MC 68000 familiako mikroprozesagailuetan oinarrituak zeuden. 1994ko martxoan, Applek Macintosh gaman Apple/IBM/Motorola konsortzioko PowerPC txipak sartu zituen, RISC teknologiara aldatzea suposatzen zutenak. 2006an Applek PowerPc line lineatik x86 arkitekturadun Intel prozesagailuetarako trantsizioa hasi zuen. Egungo Macek Intel Core 2 Duo, Intel Core i3, Intel Core i5, Intel Xeon eta Intel Core i7 mikroprozesagailu saila erabiltzen dute. Egungo Mac mota guztiak Mac OS Xen azken bertsioaren jatorrizko bertsio batekin datoz, 2009ko abuztuak 28tik Mac OS X v10.6 Snow Leopard bertsioan dagoena.

Kanpo estekak aldatu