Lilioceris lilii

Lilioceris lilii
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Chrysomelidae
Leinua	Criocerini
Generoa	Lilioceris
Espeziea	Lilioceris lilii; Scopoli, 1763

Lilioceris lilii Chrysomelidae familiako kakalardoa da, zientziarako Scopolik 1763an deskribatu zuena. Europan, Asian eta Afrika iparraldean hedaturik dago. Euskal Herrian ere aurkitzen da^[1].

Deskribapena aldatu

Kakalardo txikia da, 6-9 mm neurtzen dituena. Pronotoa eta elitroak gorri biziak ditu, burua, antenak eta hankak beltzak dira. Hankak eta antenak nahiko luzeak dira, gorputzarekiko.

Habitata aldatu

Izen zientifikoak adierazten duenez Liliaceae familiako loreetan aurkitzen da. Haietaz elikatzen da eta izurri kontsideraturik dago klima epeletako landaketatan^[2].

Bizi zikloa aldatu

Helduak toki fresko hezeetan aurkitzen dira^[2]. Emeak 450 arrautza inguru jartzen ditu hostoen azpialdean dozena bat inguruko multzotan. Arrautzak gorrixkak edo marroiak izan ohi dira. Aste bat edo bira beldar marroi-horixkak jaiotzen dira. Hostoen azpialdea jaten hasten dira eta ondoren landarearen gainerako ataletara joaten dira landarea nabarmen kaltetuz^[3].

Pupa landarearen oinarrian eratzen dute eta 20 egun pasa ondoren ateratzen da heldua.

Ziklo bat baino gehiago osa ditzakete urte berean^[3].