Lerin eta Baigorri

Lerin eta Baigorri Nafarroako udalerri-ohi bat da, Estelleriko Erriberako Lerin herriak eta Iguzkitzaibarreko Baigorri egun biztanlerik ez duenak osatuta, Lizarrako merindadea.

1857ko erroldarako desagertuta agertzen zaigu eta harrezkero Lerinek bere izena daraman udalerria osatzen du; aldiz, Baigorri Oteitzako udalerriaren lur-eremuan sartu zuten.

Demografia

Udalerri gisa agertzen den 1842ko erroldan Lerin eta Baigorrik 1195 biztanle eta 234 etxe zituen; bistan da pisu demografiko ia osoa Lerinek zuela, Baigorrik historikoki populazio oso eskasa izan edo herri hustua izan delako, besterik gabe.

Ikus, gainera

• Lerin
• Baigorri
• Nafarroako herri hustuen zerrenda

Kanpo estekak

• (Gaztelaniaz) Udalerri honek 1842tik aurrera izandako biztanleria datuak aurkitzeko webgunean; bere datuak Leringoekin asimilatuta agertzen dira.

• Datuak: Q12262241

Artikulu hau Nafarroako geografiari buruzko zirriborroa da. Wikipedia lagun dezakezu edukia osatuz.