Leidengo Unibertsitatea

Leidengo Unibertsitatea
	Libertatis Praesidium
Datuak
Izen ofiziala	Universiteit Leiden
Mota	unibertsitatea
Herrialdea	Herbehereak
Jarduera
Kidetza	Coimbra Group (en) , ORCID, IIIF Consortium (en) , Association of Universities in the Netherlands (en) , Stichting Academisch Erfgoed (en) , European University Association (en) , arXiv (en) , Lliga d'Universitats d'Investigació Europees, Committee on Publication Ethics (en) eta Coalition for Advancing Research Assessment (en)
Honen parte	ELIXIR-NL (en)
Enplegatuak	5.500 (2015)
Erabilitako hizkuntza	ingeles
Ikasle-kopurua	27.713 (2017)
Agintea
Errektorea	Hester Bijl
Egoitza nagusi	Leiden; 52°09′22″N 4°29′13″E / 52.156071°N 4.486949°E;
Osatuta	African Studies Centre Leiden (en) ; Faculteit der Archeologie (en) ; Faculteit der Wiskunde en Natuurwetenschappen (en) ; Faculty of Humanities (en) ; Faculty of Social and Behavioural Sciences (en) ; Leiden Law School (en) ; Leiden University Library (en) ; Leiden University Medical Center (en) ; Q61662993
Zeren jabe	Rijksmuseum van Oudheden (en) , Rapenburg 70-74, Leiden (en) eta Leidse Hoogleraren (en)
Historia
Sorrera	1575eko otsailaren 8a
Sortzailea	Gilen I.a Orange-Nassaukoa
	webgune ofiziala;

Leidengo Unibertsitatea (nederlanderaz: Universiteit Leiden), Herbehereetako unibertsitate zaharrena.

1575ean fundatu zuen Gilen I.a Orange-Nassaukoak, Laurogei Urteko Gerrako herbeheretar iraultzaileen buruak. Izan ere, Leiden hiriak zeregin erabakigarria izan zuen Laurogei Urteko Gerran. 1572an, Leidengo herritarrek espainiarren kontrako iraultzaileekin bat egitea erabaki zuten. 1574ko maiatzean, hiria setiatu egin zuen Herbehereetako gobernadore Luis de Requesensek. Urte hartako urriaren 3an, ordea, hiriko dikeak suntsitu zituzten, eta hala lortu zuten ur bidez herritarrak hornitu eta espainiarrei aurre egitea. Bada, setioaren kontra borrokatu izana eskertzeko eraikiarazi zuen Gilen I.ak 1575ean unibertsitatea. Orduz geroztik, hiriaren bereizgarri dira unibertsitatea, ikasleak eta ikasle-egoitzak.

Unibertsitate honetan, hainbat asmakizun egin dira. Aipatzekoa da, esaterako, Leyden botila, beirazko botila batekin egindako kondentsadorea. Pieter van Musschenbroekek asmatu zuen 1746an. Kriogenia-arloan eman zen beste aurrerapauso bat: Heike Kamerlingh Onnesek, 1913ko Fisikako Nobel saridunak, helioa likidotu zuen lehenbizikoz 1913an.

Leidengo Unibertsitateko beste hiru irakasleri eman diote Nobel saria: Hendrik Antoon Lorentzi eta Pieter Zeemani, fenomeno optiko eta elektronikoen arloan egindako lan aitzindariarengatik, eta Willem Einthoven fisiologoari, hari-galvanometroa asmatzeagatik. Unibertsitateari sona handia eman zioten nazioartean, halaber, Albert Einstein and Paul Ehrenfest fisikariek, Christiaan Snouck Hurgronje islam-adituak, Cornelis van Vollenhoven zuzenbide-adituak eta Johan Huizinga historialariak. 2005ean, teoria kuantikoari buruzko Albert Einsteinen eskuizkribu bat aurkitu zuten Leidengo Unibertsitateko liburutegietan.

Gaur egun, ikerketa-zentro garrantzitsua da Leidengo Unibertsitatea, eta nazioarteko nahiz Herbehereetako 40 ikerketa-institutu baino gehiago biltzen ditu. Zazpi fakultate hauek ditu: arkeologia, zuzenbidea, humanitateak, zientzia, gizarte- eta portaera-zientziak, LUMC medikuntza-fakultatea eta Campus The Hague.

Kanpo estekak aldatu

(Ingelesez) Leidengo Unibertsitatearen webgune ofiziala

Datuak: Q156598
Multimedia: Leiden University / Q156598