Lana Turner
Lana Turner (Wallace, Idaho, 1921eko otsailaren 8a - Los Angeles, 1995eko ekainaren 29a), izen osoa Julia Jean Mildred Frances Turner, estatubatuar antzezlea izan zen. Aktore handia ez izan arren, irudi erotiko, gaizto eta anbiguoa sortu zuen, eta 1940ko eta 1950eko hamarkadetako Hollywoodeko zinemaren ikono bilakatu zen. Donostia Saria jaso zuen 1994an.[1]
| Lana Turner | |
|---|---|
 | |
| Bizitza | |
| Jaiotzako izen-deiturak | Julia Jean Mildred Frances Turner |
| Jaiotza | Wallace (Idaho), 1921eko otsailaren 8a |
| Herrialdea |  Ameriketako Estatu Batuak |
| Heriotza | Los Angeles, 1995eko ekainaren 29a (74 urte) |
| Heriotza modua | berezko heriotza: hestegorriko minbizia |
| Familia | |
| Aita | John Virgil Turner |
| Ama | Mildred Frances Cowan |
| Ezkontidea(k) | Artie Shaw (1940 - 1940) Joseph Stephen Crane (1942 - 1943) Joseph Stephen Crane (1943ko martxoa - 1944ko abuztua) Henry J. Topping Jr. (en)  (1948ko apirilaren 26a - 1952)Lex Barker (en) (1953 - 1957)ezezaguna (1960ko azaroa - 1962ko urria) ezezaguna (1965eko uztaila - 1969ko apirila) Ronald Pellar (en) (1969ko maiatzaren 9a - ezezaguna) |
| Seme-alabak | ikusi
|
| Hezkuntza | |
| Heziketa | Hollywood High School (en) |
| Hizkuntzak | ingelesa |
| Jarduerak | |
| Jarduerak | telebista-aktorea, zinema aktorea, autobiografialaria, antzerki aktorea eta modeloa |
| Jasotako sariak | ikusi
|
| Sinesmenak eta ideologia | |
| Erlijioa | Erromatar Eliza Katolikoa |
        | |
Bizitza aldatu
Lana Turner Wallacen jaio zen, Idaho estatuan, 1921eko otsailaren 8an. Haren aita Virgil Turner koreografo ospetsua zen, eta 17 urte besterik ez zuenean egin zuen debuta Zazpigarren Artean, William A. Wellmanen A Star is Born pelikulan lan eginez. Warnerren aritu zen platoan denbora labur batez, baina jarraian Metro-Goldwyn-Mayer etxeak hartu zuen, emakume ilehori, gaizto, lizun eta erotiko baten rol egokituz.[1]
Emakume planta horrek arrasto nabarmena utzi ziom bizitza osoan, bere seduzitzaile fama pantaila barrutik kanpora zabaldu baitzen bat-batean. 1946ko The Postman Always Rings Twice obra beltzean egindako lanak puztu zuen haren fama, batez ere galtza motz, alkandora zuri eta zapia buruan zuela agertzen zen aurreneko eszena antologikoari esker.[1]
Dena dela, Vincente Minnelliren aginduetara egin zuen The Bad and the Beautifull da bere lanik onena, Douglas Sirkekin 1959an egin zuen Imitation of Life melodrama zoragarriarekin hatera. Kirk Douglas zuzendaria aztoratzen zuen aktore baten rola bete zuen aurrenekoan, eta alabari bizkar ematen zion ama zinikoarena bigarrenean. George Sidneyren The Three Musketeers (1948), George Cukorren A Life of Her Own (1950), Jean Negulescoren The Rains of Ranchipur (1955), eta Mark Robsonen Peyton Place (1957) lanek osatzen dute haren filmografia.[1]
Haren bizitza erreala fikziozkoa baino askoz ere gordinagoa izan zen. Johnny Stompanato izeneko gangster baten maitale izan zen, eta 1958an, istilu batzuen ondoren, bere alabak gaizkilea hil zuen, bien artean halako gora-behera istilutsuak sortuz.[1] Gertaera horren ostean, haren karrera zinematografikoaren gainbehera hasi zen. 1980ko hamarkadaren amaieran erretiratu bazen ere, Falcon Crest-eko atal batzuetan lan egin zuen.
Filmografia aldatu
Zinema aldatu
.jpg)
Telebista aldatu
| Urtea | Izenburua | Rola | Oharrak | Erref. |
|---|---|---|---|---|
| 1967 | The Smothers Brothers Comedy Hour | Bere burua | "1.10" atala | [3] |
| 1969–1970 | Harold Robbins' The Survivors | Tracy Carlyle Hastings | 15 atal | |
| 1971 | The Last of the Powerseekers | Telefilma | ||
| 1982–1983 | Falcon Crest | Jacqueline Perrault | 6 atal | [4] |
| 1985 | The Love Boat | Elizabeth Raleigh | 3 atal | [5] |
Oharrak aldatu
Erreferentziak aldatu
- ↑ a b c d e Gostin, Andres. Seduzitzaile klasiko baten begirada. Euskaldunon Egunkaria, 1994ko irailak 23, CC BY-SA 4.0, berria.eus (Noiz kontsultatua: 2022-4-15).
- ↑ Lana Turner. imdb.com (Noiz kontsultatua: 2022-4-16).
- ↑ Return of Lana. Star-Gazette, web.archive.org (Noiz kontsultatua: 2022-4-17).
- ↑ Lana Turner to Appear On CBS's 'Falcon Crest'. The New York Times, 1981eko abenduak 26, web.archive.org (Noiz kontsultatua: 2022-4-17).
- ↑ Lana Turner Credits. TV Guide, 2019ko irailak 4, archive.today (Noiz kontsultatua: 2022-4-17).
Kanpo estekak aldatu
Datuak: Q201034
Multimedia: Lana Turner / Q201034
