Konpantzia
Konpantzia[1], Gipuzkoan Faisaien uhartea eta Lapurdin Konferentziako/Konferentziaren uhartea izenez ere ezaguna, jatorriz Intzura, Bidasoa ibaiaren bokaletik gertu dagoen uhartea da, Pausu, Irun eta Hendaia artean. 6.820 m2 ditu eta inor ez da bertan bizi. Antzina Hondarribiaren esku izan zen, baina gaur egun Irun eta Hendaia hirien esku dago. Bi hiriak arduratzen dira, txandaka, uhartea zaintzeaz; txanda bakoitza sei hilabetekoa da. Espainiako eta Frantziako estatuen artean dago, eta bi estatu horiek dira uhartearen jabeak.
| Konpantzia | |
|---|---|
| |
| Geografia | |
| Kokapena | Bidasoa |
| Azalera | 0,00682 km2 |
| Punturik garaiena | 3 m |
| Politika | |
| Herrialdea |  Euskal Herria |
| Udalerriak | Irun eta Hendaia |
| Gizartea | |
| Biztanleria | 0 bizt. |
Izena aldatu
Gipuzkoan Faisaien uhartea deitzen zaion arren, itzulpen oker bat dela dirudi, eta Konpantzia deitu izan diote euskaraz (antza denez, konferentzia izenetik eratorria)[2] edo Konferentziako uhartea du, Faisaien uhartea Hendaia aldean, ibaiaren eskuinaldean, zegoen padura-uharte handiago bat baitzen, egun lehorrari erabat eratxikia (gaur egungo Intzura edo Les Joncaux auzo berria, Hendaian). Uharteak Erietxearen Uhartea[3] eta Intzura zituen izenak lehenago.
Historia aldatu
1659. urtean, bertan izenpetu zuten Luis de Harok, Filipe IV.a Espainiako erregearen ordezkariak, eta Mazarinok, Luis XIV. Frantziako erregearen lehen ministroak, Pirinioetako Bakea. Hitzarmen horren arabera, besteak beste, Frantziako eta Nafarroako erregeak Espainiako erregearen eskutan utzi zuen Nafarroa Garaia. Kataluniako iparraldea (Roselló, Cerdanya), aldiz, Frantziako estatuaren barne geratu zen. Hortaz, Pirinioetako mendiak hartu ziren Espainiako eta Frantziako estatuen arteko muga gisa, eta bitan banaturik geratu ziren Euskal Herria eta Katalunia. Bakea Luis XIV.a Frantziakoaren (Eguzki Erregea) eta Maria Teresa Espainiako infantaren arteko ezkontzarekin izenpetu zen.
Lauko Aliantzaren Gerran, frantses armadek Araba, Bizkaia eta Gipuzkoako lurraldeak okupatu zituzten; aldiz, hitzarmen batera heldu eta, Frantzia eta Espainiako dinastien arteko aliantza berriaren lokarri, bi koroek Louise Elizabeth (12 urte) eta Maria Ana Victoria printzesak elkartrukatu zituzten Konpantzian 1722ko urtarrilaren 6an, geroko estatu ezteietan horiek emazte egiteko: Asturiasko printzearena eta Luis XV.arena (5 urte), hurrenez hurren.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «B5M > Konpantzia» b5m.gipuzkoa.eus (Noiz kontsultatua: 2022-12-16).
- ↑ http://www.irun.org/turismo/arquitectura.asp?id_idioma=2
- ↑ «ZUBERNOA - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2022-05-25).
Kanpo estekak aldatu
Datuak: Q373767
Multimedia: Pheasant Island / Q373767
| Euskarazko Wikipedian bada atari bat, gai hau duena: Euskal Wikiatlasa |