Kono-enbor

Kono-enborra, kono moztua edo Garofalo-ren enborra biraketa-solido bat da, trapezio zuzen batek sortzen duena, oinarriekiko elkarzuta den aldea ardatz gisa hartzen dugunean.

Kono-enborra zer den ulertzeko bideoa.

---

Bideo hau Jakindun elkarteak egin du. Gehiago dituzu eskuragarri euren gunean. Bideoak dituzten artikulu guztiak ikus ditzakezu hemen.

Kono-enborra

Kono-enborra

3D eredua

Oinarri paraleloko Kono-enbor zuzena konoaren zatia da, ebakitzen duten eta haren ardatzarekiko elkarzutak diren bi planoren artekoa dena. Oinarrien erradioek, $r_{1}\,$ eta $r_{2}\,$, garaierak, $h\,$, eta sortzaileak, $s\,$, zehaztuta dago, eta Pitagorasen teorema betetzen dute:

$s^{2}=\left(r_{1}-r_{2}\right)^{2}+h^{2}$

Kono-enborraren alde-azalera oinarrien perimetroen batezbestekoa sortzailearekin biderkatuta kalkulatzen da:

$A_{L}={\frac {2\pi r_{1}+2\pi r_{2}}{2}}s$

$A_{L}=\pi \left(r_{1}+r_{2}\right)s$

Kono-enborraren guztizko azalera, alde-azalera gehi oinarrietako azalerak dena, formula honen bidez kalkulatzen da:

$A=A_{1}+A_{2}+A_{L}\,$

$A=\pi r_{1}^{2}+\pi r_{2}^{2}+\pi \left(r_{1}+r_{2}\right)s$

$A=\pi \left[r_{1}^{2}+r_{2}^{2}+(r_{1}+r_{2}\right)s]$

Kono-enborraren bolumena enborraren garaieraren eta oinarrien azaleren batezbesteko herondarraren arteko biderkadura da:

$V={\frac {h}{3}}\left(A_{1}+A_{2}+{\sqrt {A_{1}A_{2}}}\right)\,$

$V={\frac {h}{3}}\left(\pi r_{1}^{2}+\pi r_{2}^{2}+{\sqrt {\pi r_{1}^{2}\pi r_{2}^{2}}}\right)\,$

$V={\frac {h\pi }{3}}(r_{1}^{2}+r_{2}^{2}+r_{1}r_{2})\,$

Ikus, gainera

• Enborra
• Piramide-enborra

Kanpo estekak

• (Ingelesez) Weisstein, Eric W.: "Conical Frustum" MathWorld-en.

• Datuak: Q9090332
• Multimedia: Truncated cones / Q9090332