Klemente XIV.a

Klemente XIV.a
	; Irudi gehiago
; 249. Aita santu
kardinal
Bizitza
Jaiotzako izen-deiturak	Giovanni Vincenzo Antonio Ganganelli
Jaiotza	Santarcangelo di Romagna, 1705eko urriaren 31
Heriotza	Erroma, 1774ko irailaren 22a (68 urte)
Hobiratze lekua	Santi Apostoli (en)
Familia
Ezkontidea(k)	ezkongabea
Hezkuntza
Hizkuntzak	italiera; latina
Jarduerak
Jarduerak	apaiz katolikoa, erlijiosoa, apezpiku katoliko latindarra eta Aita santua
	Parte-hartzailea 1769ko konklabea ;
Lantokia(k)	Erroma eta Aita Santuen Lurraldea
Sinesmenak eta ideologia
Erlijioa	Erromatar Eliza Katolikoa
Erlijio-ordena	Anaia Txiki Komentualen Ordena

Klemente XIV.a^[1], Giovanni Vincenzo Antonio Ganganelli OFM.Conv., (Sant' Arcangelo di Romagna, 1705eko urriaren 31 - †Erroma, 1774ko irailaren 22a) Eliza Katolikoaren 249. Aita Santua izan zen 1769 eta 1774 urteen bitartean. Aukeratu zutenean, frantziskotar hautagai bakarra izan zen.

Jatorria eta prestakuntza aldatu

Giovanni Vincenzo Antonio Ganganelli izenarekin jaioa, Lorenzogatik aldatu zuena fraide frantziskotar bihurtu zenean, Lorenzo Ganganelli medikua eta honen emazte Serafina Maria Mazzaren lau seme-alabetatik txikiena zen.

Riminiko jesuiten eskola baten ikasi zuen, eta ondoren Urbinoko Eskolapioen eskolan. Frantziskotar Komentualen ordenan sartu zen Forli probintziako Mondaino herrian. 1731n teologiako doktoretza lortu zuen Erromako La Sapienza Unibertsitatean. Bere ordenaren definitzailea 1741ean, bi aldiz uko egin zion ordenaren jeneraltzari. Teologo bikain bat izan zen, baina baita, musikaria, olerkaria eta zaldun trebe bat ere.

Kardinaltza aldatu

1759an San Lorenzo in Panisperna tituluko kardenaltza sortua izan zen, 1762an Santi XII Apostoligatik aldatu zuena.

Aita Santutza aldatu

1769ko konklabean aita santu aukeratua izan zen. Aita Santuaren aukeraketa honetarako, zenbait borboitar monarkiek hurrengo aita santuak Jesusen Konpainia ezabatu behar zuela eskatu izana izan zen funtsezko gaia. Oraindik gotzaina ez zela, berehala sagaratu zuen Federiko Marcello Lante kardinalak, Porto-Santa Rufinako gotzaina eta Kolegio Kardenalizioko dekanordea, eta jarraian, Alessandro Albani kardenalak koroatua, Santa Maria in Via Latako protodiakonoa.

Bere aurreko aita santua izan zen Klemente XIII.ak Frantzia eta Espainiaren presioak jasan bazituen ere hauen Jesusen Konpainia desegiteko teman, Klemente XIV.a ez zen hain gogorra izan. Bere amore ematea, bakearen berrezartzearekin justifikatuz, 1773an Dominus ac Redemptor laburra onartu zuen, honen bidez Jesusen Konpainia desegina geratzen zelarik. Ekintza honen sari bezala aurretik Frantziak (Avignon eta Venesino konderria) eta Napolik (Benevento eta Pontecorvoko jaurerriak) frantziar eta espainiar erregen partez okupatutako lurraldeak itzuli zizkioten.

Heriotza aldatu

Erroman hil zen 1774ko irailak 22an. Vatikanoar Baseliza Patriarkalean hilobiratua izan zen. 1802an bere hondakinak Apostolu Santuen baselizara eramanak izan ziren, nongo kardenal titularra izan zen eta non zenotafio monumental bat eraiki zitzaion, Antonio Canova eskulturagile ospetsuaren lana izan zena.

San Malakiasen profeziek aita santu honi Visus velox (ikusmen sarkorra) bezala erreferentzia egiten diote, dirudienez, bere izpiritu bizi eta sarkorrari erreferentzia egiten dion aipamena. Akatsez, 1656ko Koloniako edizioan Ursus Velox (hartz azkarra) aipamena eman zitzaion.

Aurrekoa
Klemente XIII.a

Aita Santua
1769-1774

Ondorengoa
Pio VI.a