Kingsley Amis

Kingsley amis (Londres, 1922ko apirilaren 16a - ib., 1995eko urriaren 22a) britainiar idazlea izan zen. Oxford Unibertsitateko St. John´s College ikastetxean ikasi zuen.

Kingsley Amis
Bizitza
Jaiotzako izen-deiturak	Kingsley William Amis
Jaiotza	Clapham Common (en) eta Londres, 1922ko apirilaren 16a
Herrialdea	Erresuma Batua
Heriotza	Londres, 1995eko urriaren 22a (73 urte)
Hobiratze lekua	Golders Greeneko Erraustegia
Familia
Aita	William Robert Amis
Ama	Rosa Annie Lucas
Ezkontidea(k)	Hilary Bardwell (en)  (1948ko urtarrila - Elizabeth Jane Howard (en)  (1965 -
Seme-alabak	ikusi Martin Amis Philip Amis (en) Sally Amis (en)
Hezkuntza
Heziketa	St John's College (en)
Hizkuntzak	ingelesa
Jarduerak
Jarduerak	zientzia-fikzio idazlea, poeta, ipuingilea, eleberrigilea, literatura-kritikaria, idazlea, kazetaria, gidoilaria, autobiografialaria eta unibertsitateko irakaslea
Enplegatzailea(k)	Swansea University (en)
Jasotako sariak	ikusi Britainiar Inperioko Ordenaren komendadorea Cholmondeley Award John W. Campbell Memorial Award for Best Science Fiction Novel  (1977) : The Alteration (en) Booker Prize  (1986) : The Old Devils (en) Knight Bachelor Somerset Maugham Award
Zerbitzu militarra
Adar militarra	Britainia Handiko Armada
Parte hartutako gatazkak	Bigarren Mundu Gerra
Sinesmenak eta ideologia
Erlijioa	ateismoa

Idazlanak

Lucky Jim (1954, Jim zoriontsua) bere lehen nobela pikareskoak ongi merezitako arrakasta izan zuen. Unibertsitateko irakasle gazte bat antiheroitzat agertzen duen satira garratz honetan, 1950eko hamarkadako gizarte britainiarraren kritika zorrotza egiten da, eta eragin handia izan zuen Britainia Handiko hainbat antzerkigile eta eleberrigile gazteengan.

Urte haietan britainiar gizartea gogor kritikatu zuen gazte haserreen taldeko kide ezaguna izan zen Amis.

Amisen beste nobela aipagarriak dira: That uncertain feeling (1955, Duda-mudazko sentimendu hori), A fat Englishman (1963, Ingeles gizena), James Bonden pertsonaia agertzen duen Colonel Sun (1968, Sun koronela), mamu-istorioak dituen Gizon berdea (1969), zientzia fikziozko The Alteration (1976, Aldaketa), The Jake´s thing (1979, Jakeren kasua), feminismoaren aurkako Stanley eta emakumeak eleberria (1984), etab. 1986an Brooker saria irabazi zuen Galesko erdi-mailako klaseari buruz hausnarketa komikoa egiten duen The Old Devils nobelarekin. Ipuinak, poemak (1979, Collected poems), saiakerak eta kritika-lanak ere idatzi zituen. 1990ean Sir titulua eman zioten.

Erreferentziak

• Datuak: Q220078