Karlos II.a Espainiakoa
Karlos V.a Nafarroakoa Sorgindua[1] (Madril, 1661eko azaroaren 6a — Madril, 1700eko azaroaren 1a) Nafarroako errege, Gaztela eta Leongoa (Karlos II.a), Aragoikoa, Napolikoa, Sardiniakoa, Siziliakoa, eta abar izan zen 1665-1700 bitartean. Habsburgo leinuko Espainiako azken erregea izan zen.
Bizitza aldatu
Filipe IV.aren eta Mariana Austriakoaren semea zen. Adimen urrikoa, antzua eta errakitikoa zen. Garaikideek sorgindurik zegoela argudiatu zuten, baina egun erabat onartuta dago haren arazoak endogamiaren ondorio zirela, habsburgotar senideen arteko ezkontzen ondorio, alegia[2].
Bere ama erreginorde zela iritsi zen erregetzara. 1675ean hartu zuen kargua. Haren erreinaldian, Espainian berpizte txikia izan zen; nazioarteko harremanetan, ordea, hondamendia. Luis XIV.a Frantziakoari Flandria utzi behar izan zion lehenik (1668), gero Artois eta Franche-Comté (1678), eta Augsburgeko Ligan sartu izanak Kataluniaren inbaditzea eragin zuen. Filipe Anjoukoaren alde egin zuen testamentuaren ondorioz, Espainiako Ondorengotza Gerra piztu zen. Espainiako azken errege habsburgotarra izan zen.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016/07/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (PDF) 186. arauaː Atzerriko pertsona-izenak. Grafia-irizpideak. Erregeerreginen eta kidekoen kasua. .
- ↑ Irazustabarrena, Nagore. Endogamia egiaztatua. in: Argia astekaria. argia.eus (Noiz kontsultatua: 2016-7-30).
Kanpo estekak aldatu
Datuak: Q36174
Multimedia: Charles II of Spain / Q36174
