Juan de Leví
Juan de Leví edo Juan Leví 1388 eta 1407 artean Zaragozan bizi izandako margolaria zen.[1] Nazioarteko gotikoan sailkatuta, estilo horretan Aragoiko Koroaren maisu handia izan zen. Guillén de Leví margolariaren iloba izan zen, nork, ondorengorik izan ez zuenez, bere ondasun denak Juani dohaintzan eman zizkion, 1388an.[2]
| Juan de Leví | |
|---|---|
| Bizitza | |
| Herrialdea |  Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | margolaria |
| Lantokia(k) | Zaragoza |
Biografia aldatu
Datu asko ez dira ezagutzen. Bere osaba Guillén de Leví izan zen; honek seme-alabarik ez eta bere ondare guztiak 1388an Juani utzi zizkion. Juduak ziren, ziur aski kristau berriak edo izandakoen semeak ziren. Familia Jarquekoa zen, Zaragozako probintzian.
Nicolás Solana, Darocan aktiboa izan zen margolaria, bere dizipulu edo jarraitzaile izan zen.
Estiloa aldatu
Margolari honen ezaugarriak marrazkiaren finkotasuna eta zorroztasuna dira, irudien dotorezia, aurpegietan zein erritmo kurbinaletan, eta koloreen aberastasuna, bestetik. Haren lanetan ekialdeko elementuak, Sienako manierismoarekin eta nordiko azentu batzukin nahasten dira.[3]
Obra aldatu
Erabat dokumentatuta ezagutzen diren bakarrak Tarazonako katedralean daude, San Lorenzo, San Prudentzio eta Santa Katalinaren erretaulak alegia. Lan hau Pérez Calvillo anaien hil-kaperan margotu zituen, 1392 eta 1402 artean. Viceko Apezpiku Museoan dagoen San Pedrori eskainitako erretaula ere dago; azken hau, jatorriz, Calatayuden zegoen.
Badira ere beste batzuk dokumentatuta baina, zoritxarrez, galdu egin direnak: San Jaimeren erretaula Montalbán herriko parrokian (Teruelgo probintzian), 1403an, eta La Hoz de la Viejaren elizan egin zuena, 1405ean.
Nafarroako Erresuman aldatu
Nafarroan ere lan batzuk egotzi zaizkie baina oso eztabaidatuak izan dira zeren eta kronologikoki eta estilo aldetik kontraesanak eragiten baitituzte:
- Tuterako katedralean: Santa Katalina Alexandriakoaren erretaula.
- Lizarrako Done Mikel elizan: Santa Elenaren erretaula.
Erreferentziak aldatu
- ↑ de Leví, Gran Enciclopedia Navarra[Betiko hautsitako esteka].
- ↑ https://web.archive.org/web/20150529202931/http://www.enciclopedia-aragonesa.com/voz.asp?voz_id=7940
- ↑ https://web.archive.org/web/20140426201858/http://www.enciclopedia-aragonesa.com/voz.asp?voz_id=7940&tipo_busqueda=1&nombre=Juan%20Levi&categoria_id=1&subcategoria_id=1&conImagenes=
Kanpo estekak aldatu
Datuak: Q5953260
Multimedia: Juan de Leví / Q5953260
