Jiayuguan
Jiayuguan (txinera sinplifikatuz: 嘉峪关; pinyinez: Jiāyùguān), Gansu probintzian kokatutako prefektura mailako hiria da. Guztira, 231.853 biztanle inguru dauzka eta 2.935 kilometro karratuko azalera.
Jiayuguan 嘉峪关 | |
---|---|
Prefektura mailako hiria | |
Administrazioa | |
Estatu burujabe | Txinako Herri Errepublika |
Txinako probintzia | Gansu |
Izen ofiziala | 嘉峪关市 |
Jatorrizko izena | 嘉峪关 |
Posta kodea | 735100 |
Geografia | |
Koordenatuak | 39°48′N 98°18′E / 39.8°N 98.3°E |
Azalera | 1224.17 km² |
Demografia | |
Biztanleria | 231.853 (2010) |
Dentsitatea | 189,4 bizt/km² |
Informazio gehigarria | |
Sorrera | 1965 |
Telefono aurrizkia | 937 |
Ordu eremua | UTC+08:00 |
Hiri senidetuak | Krementxuk |
Matrikula | 甘B |
jyg.gansu.gov.cn |
Historia aldatu
Txinako Harresi Handiak hiru pasabide garrantzitsu zituen eta Jiayu pasabidea mendebalderen zegoen atea zen. Beste biak Juyong pasabidea eta Shanhai pasabidea ziren, biak ere Beijing hiriburutik gertu. Pasabidea merkataritza eta negoziogune bihurtu ahala inguruan ostatuak eta jatetxeak agertuz joan ziren eta Jiayuguan hiria sortu zen. Eremu honetako Txinako Harresiaren zatia XIV. mendean eraiki zuen Ming dinastiak[1]. Pasabidea kontrolatzeko Jiayuguaneko gotorlekua eraiki zuten, Harresiko azken gotorlekua[2], eta gaur egun oraindik oso egoera onean aurkitzen da. Hexi korridorean kokaturik zegoenez Zetaren Bidea igarotzen zen bertatik[3].
Banaketa administratiboa aldatu
- Xiongguan Barrutia (雄关区): Jiayuguan pasabidea bertan dago
- Changcheng Barrutia (长城区)
- Jingtie Barrutia (镜铁区)
Klima aldatu
Datu klimatikoak (Jiayuguan) | |||||||||||||
---|---|---|---|---|---|---|---|---|---|---|---|---|---|
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Batez besteko tenperatura maximoa (°C) | -2 | 3 | 11 | 17 | 22 | 27 | 29 | 28 | 23 | 16 | 6 | 0 | 15 |
Batez besteko tenperatura minimoa (°C) | -16 | -12 | -4 | 2 | 8 | 13 | 15 | 14 | 8 | 1 | -7 | -13 | 0.8 |
Pilatutako prezipitazioa (mm) | 0 | 3 | 5 | 5 | 8 | 10 | 18 | 28 | 5 | 0 | 3 | 3 | 86.4 |
Iturria: Weatherbase [4] |
Ekonomia aldatu
1958an Jiuquan Steel Company altzairutegia eraiki zen eta honek bultzada berria eman zion hiriari. Gansu probintziako altzairutegi handiena da.
Garraioa aldatu
312 autopistak zeharkatzen du hiria eta bi trenbideren elkargunea da, Lanzhou-Xinjiang eta Jiayuguan-Ceke.
Aireportua ere badu eta egunero Xi'an eta Beijingerako hegaldiak ditu. 1938 urtean eraiki zen hegaldi militarretarako eta 1953an zibilentzako berreraiki zen aurrekoa zegoen toki berean. 2006an handitu egin zuten.
Ondasun nabarmenak aldatu
- Jiayuguan pasabidea eta gotorlekua
- Jinq Tie kaleko merkatua[2]
Iruditegia aldatu
-
Txinako Harresi Handia, Jiayuguanen.
-
Udaletxea.
-
Tren geltokia.
-
Aireportua.
Erreferentziak aldatu
- ↑ Gore, Rick. (1980). Journey to China's Far West. National Geographic. Vol. 157 no. 3., 314 or. ISBN 0027-9358..
- ↑ a b (Gaztelaniaz) Jiayuguan (China) Información de interés y mapa. 2016-10-20 (Noiz kontsultatua: 2019-10-02).
- ↑ «Gran Muralla Jiayuguan, Gran Muralla de Jiayuguan, pasp jiayu de la gran muralla de China» www.viaje-a-china.com (Noiz kontsultatua: 2019-10-02).
- ↑ Weatherbase: Historical Weather for Jiayuguan, China. Weatherbase. Retrieved on November 24, 2011.
Ikus, gainera aldatu
Kanpo estekak aldatu
- (Txineraz) Jiayuguango gobernuaren webgunea.