James Baker

James Baker
	; Irudi gehiago
10. Etxe Zuriko Gabinete Burua
; 61. Ameriketako Estatu Batuetako Estatu Idazkaria
67. United States Secretary of the Treasury (en)
Etxe Zuriko Gabinete Burua
Bizitza
Jaiotza	Houston, 1930eko apirilaren 28a (93 urte)
Herrialdea	Ameriketako Estatu Batuak
Lehen hizkuntza	gaztelania
Familia
Aita	James A. Baker Jr.
Ezkontidea(k)	Mary Stuart Baker (en) (1953ko azaroaren 7a - 1970eko otsailaren 18a); Susan Garrett Baker (en) (1973ko abuztuaren 6a -
Seme-alabak	ikusi James Baker IV (en) ;
Hezkuntza
Heziketa	Princetongo Unibertsitatea ; The Kinkaid School (en) ; University of Texas School of Law (en) ; The Hill School (en) ; Dedman School of Law (en)
Hizkuntzak	ingelesa
Jarduerak
Jarduerak	ofizierra, abokatua, diplomazialaria eta politikaria
Enplegatzailea(k)	Ameriketako Estatu Batuetako Ogasun Saila
Jasotako sariak	ikusi Askatasunaren Domina Presidentziala ; Fellow of the American Academy of Arts and Sciences ; Financial Times Person of the Year (1991) ; Grand Cordon of the Order of the Rising Sun ;
Kidetza	Arteen eta Zientzien Ameriketako Estatu Batuetako Akademia
Zerbitzu militarra
Adar militarra	Ameriketako Estatu Batuetako Marineen Gorputza
Gradua	captain (en)
Sinesmenak eta ideologia
Erlijioa	Estatu Batuetako Eliza Episkopalianoa
Alderdi politikoa	Ameriketako Estatu Batuetako Alderdi Errepublikanoa

James Addison Baker, III.a (Houston, Texas, AEB, 1930eko apirilaren 28a -) estatubatuar politikaria da.

Biografia aldatu

Princetongo Unibertsitatean ikasi ondoren, 1952-1954 bitartean Itsas Armadan soldadutza egin eta zuzenbide-ikasketak egin zituen Texasko Unibertsitatean. 1957-1975 bitartean abokatutzan jardun zuen, eta 1970az geroztik buru-belarri sartu zen politikagintzan.

Alderdi Errepublikanoko hainbat kanpainetan parte hartu ondoren, Etxe Zuriko idazkari nagusi, Segurtasunerako Kontseilu Nazionalaren buru eta atzerri-politikarako aholkulari izan zen Ronald Reaganen lehen agintaldian (1981-1985), eta Altxor Publikoaren idazkari bigarrengoan (1984-88). Kargu horretan zegoela egin zion Nazioarteko Diru Funtsari Baker Plana deritzon Hirugarren Munduko herrialdeei beren kanpo-zorra gutxitzen laguntzeko proposamena.

George Bush lehendakariaren agintaldian, berriz, Estatu-idazkari izan zen Baker; kargu horretatik Ekialde Hurbilerako politikan, batez ere Persiako golkoko gerra garaian, parte hartu zuen eta Gorbatxovek gobernatzen zuen Sobiet Batasunarekiko hurbilketa eginez jarraitu zuen.

1992an Bushen berrautaketarako kanpaina zuzentzeko utzi zuen Estatu-idazkaritza, baina ez zuen bere helbururik lortu. Gero merkataritzako aholkulari bilakatu zen, 1997an Nazio Batuen Erakundeko idazkari nagusiak Mendebaldeko Saharan bizi den gatazkarako NBEaren ordezkari izendatu zuen arte. Fronte Polisarioaren eta Marokoren arteko hainbat bilera eta elkarrizketa antolatu ondoren, 1998an Saharari buruzko erreferenduma egiteko hitzarmena lortu ahal izan zen. Hala ere, 2004. urtean, elkarrizketek aurrera egiten ez zutela ikusita, NBEaren ordezkari izateari utzi zion.

Wikimedia Commonsen badira fitxategi gehiago, gai hau dutenak: James Baker

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q223151
Multimedia: James Baker / Q223151