Iris Yassmin Barrios Aguilar
Iris Yassmin Barrios Aguilar ( 1962 ) Guatemalako Arrisku Goreneko A Lehen Auzitegiko abokatua, epailea eta presidentea da. [1]
| Iris Yassmin Barrios Aguilar | |||
|---|---|---|---|
 | |||
| |||
| Bizitza | |||
| Jaiotza | 1962 (61/62 urte) | ||
| Herrialdea |  Guatemala | ||
| Hezkuntza | |||
| Heziketa | Universidad Mariano Galvez (en)  | ||
| Jarduerak | |||
| Jarduerak | epailea | ||
| Jasotako sariak | ikusi
| ||
Biografia aldatu
Zuzenbidean doktorea da Mariano Gálvez Unibertsitatearen eskutik.[2] Guatemalako Kidego Judizialean lehiaketa bidez sartu zen 1996an. Guatemalako Arrisku Goreneko Lehen A Auzitegian dago lanean.[3]
Kasu garrantzitsuak eraman ditu epaiketara, adibide Juan José Gerardi monsinorearen erahilketa, zeinaren ondorioz bere biziaren kontrako erasoa jaso zuen, baita Dos Erres delakoa ere, Parlaceneko bi diputatuen erailketa Guatemalan, militarren eskutik antropologo baten hilketa 1990ean, edo Sepur Zarcon emakume indigenak sexu esklabotzen dituzten soldaduen kasua.[3]
Efraín Ríos Montt Guatemalako diktadore ohiaren auziko epaile izan zen. Epaiketa horretan, Montt Ixil herriaren genozidioaren erruduntzat jo zuten.[4] Auzitegi nazional batek bere herrialdean estatuburu batek genozidioa egin zuela frogatzen zuen lehen aldia izan zen, eta horrek nazioarteko aurrekari bat ezarri zuen antzeko beste kasu batzuentzat. Hala eta guztiz ere, 2013ko maiatzaren 20an, Guatemalako Auzitegi Konstituzionalak zigorra baliogabetu egin zuen, prozedura apirilaren 19ra itzuliz eta une horretan proba berriro hastea agindu zuen, auzitegiak orduan aurkeztutako inpugnazioa ez zuela ebatzi bere garaian bi kideren aurkako errefusatzea iritzita, eta, horregatik, egindako ekintza guztiak errepikatu behar ziren.[5] [6]
2014ko apiriletik, urtebetez eten zuten Efraín Ríos Montt-ekin lotutako abokatu batek jarritako salaketagatik. Barrios Aguilar-ek helegitea aurkeztu zuen.[7]
2021ean, Erika Aifán eta Gloria Patricia Porras epaileekin batera Amerika barruko Giza Eskubideen Auzitegiaren babes berezia jaso zuen Guatemalako Auzitegi Gorenak bere kontrako salaketa bat ahalbideratu zuenean. Gustavo Alejos politikariaren aurkako auzia jorratzen ari zela epaitegian frogak manipulatzen ari zirelako ustea zabaldu baitzen.[8]
Sariak eta Aitortzak aldatu
- 2015ean, Banco Industrialeko Herritarren Programa Iraunkorrak omenaldia egin zion bere ibilbideagatik. [2]
- 2015ean, Train Fundazioaren Ausardia Zibilaren Saria eman zioten.
- 2014an, International Women of Courage Award saria jaso zuen. [9] [10]
- 2013an, Giza Eskubideen Saria jaso zuen Espainiako Abokatuen Kontseilu Nagusiaren eskutik.
Erreferentziak aldatu
- ↑ «Bios of 2014 Award Winners» state.gov.
- ↑ a b «Yassmín Barrios Aguilar» Embajada Mundial de Activistas por la Paz.
- ↑ a b «“Estoy contenta por ser parte de las mujeres que hemos contribuido a innovar el sistema de justicia” | Jotay» jotayguatemala.org.gt (Noiz kontsultatua: 2022-04-22).
- ↑ Mariano Castillo, CNN. (10 May 2013). «Guatemala's Ríos Montt guilty of genocide» CNN.
- ↑ Guatemala Rios Montt genocide trial to resume in 2015. 6 de noviembre de 2013.
- ↑ José Elías. El Constitucional de Guatemala anula la condena al exdictador Ríos Montt. El País.
- ↑ ONU lamenta suspensión de jueza Yassmín Barrios. 8 de abril de 2014.
- ↑ (Ingelesez) «3 female Guatemalan judges defend rule of law despite attacks, attempts to remove them» NBC News (Noiz kontsultatua: 2022-04-22).
- ↑ «US Honors International Women of Courage» VOA.
- ↑ «FITE Celebrates 2014 Women of Courage, Honored by First Lady» JoinFITE – by Dermalogica.
Datuak: Q18001347
Multimedia: Iris Yassmin Barrios Aguilar / Q18001347
