Iñaki Gorostidi
Iñaki Gorostidi Astigarraga (Apakintza baserria,[1] Aduna, 1955eko abuztuaren 11) harri-jasotzailea, boxeolaria eta harri-artisaua da. Adunako Apakintza baserrian jaioa, hamalau urterekin hasi zen harriak altxatzen. Soldaduska egin ondoren, boxeoan hasi zen, guztira 33 borroketan parte hartuz. Boxeoa utzi eta harri-jasotzera itzuli zen. Bere lorpen handiena Tolosako Beotibar pilotalekuan izan zen 1982ko maiatzaren 9an 185 kiloko harri zilindriko zaharra altxa zuenean esku bakar batez. Geroztik harriak bere izena darama: Gorostidi harria. Lesio larri baten ondoren, harri-jasotzea utzi eta harriarekin artisautza lanetan hasi zen, harri-jasotzeko harrien miniaturak eta harrizko bestelako apaingarriak egiten.
| Iñaki Gorostidi | |
|---|---|
| Bizitza | |
| Jaiotza | Aduna, 1955eko abuztuaren 11 (68 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | boxeolaria eta harri-jasotzailea |
Erreferentziak aldatu
Datuak: Q12260050
