Horus Ka
Horus Ka edo Ka, Egiptoko aro protodinastikoko gobernari bat izan zen.
| Horus Ka | |||
|---|---|---|---|
| |||
| Bizitza | |||
| Jaiotza | ? | ||
| Herrialdea | Antzinako Egipto | ||
| Heriotza | ? ( urte) | ||
| Hobiratze lekua | Umm el-Qaab | ||
| Jarduerak | |||
| Jarduerak | estatu-politikaria | ||
Horu Ka, nahiko ondo dokumentatua dagoen izen bat da, bere idazkunak, Niloren deltatik iparraldera zein ipar-ekialdera, Behe Egipton, Helwanen, Menfisen parean eta Tarjanen, El Fayum eskualdean. Abidosetik hegoaldera oraindik idazkunik topatu ez den arren (antzinako hiriburutik ekialdera), Hierakonpoliseko aurreko gobernariekin zerikusirik ez zuela esan nahiko lukeelarik.
Ka, erregetza zeinu bezala, bere izena serekh batean jarri zuen lehen erregea izan zen (edo bigarrena, Horus Iry baino lehenago gobernatu zuela uste bada). Sukarrizko aizto bat eta zeramikazko zenbait txatal aurkitu ziren erregeen izenak erakusten zituen hilobian, serekha, belatz batek presiditzen ez zuen arren. Karen izena, izpirituaren ikur bera dela kontutan hartuz, beharbada soilik zeinu erritual edo sinboliko bat izan daitekeelarik, eta ez benetako izen bat.
Baliteke Narmerren aita izatea, honen hilobia, antzeko estilo eta tamainan eraiki baitzen, eta soilik hogeitamar metroko distantziara dago. Idazkunik gabeko antzinako errege baten bolizko estatuatxo bat, bere irudia izan liteke.
Bere hilobia aldatu
Horu Ka, Abidosen, hilobi bikoitz batean, B7-B9an lurperatua izan zen, eta, uste denez, Narmerren aurrekoa izan zen. Ondorio hau, zeramika eta beste hondar batzuen azterketan eta bere hilobiak hilerrian duen posizioa eta estiloan oinarritzen da. Bere ezaugarriak, bere ustezko aurreko erregea izan zen Horus-Iryren oso antzekoak dira, posizioan eta forman, bi ganberekin, bata bestearen ondoan, alde estutik lerrokatuak, eta, euren artean, pare bat metroko irekidu bat dagoelarik. 1902an industu zenean, erregearen izena zuten hondarretako asko, argitara irten ziren, eta identifikazioa begi bistakoa izan zen. Hala ere, Ka izenak, faraoi titulu generiko baten itxura du.
Bi ganberak osatzen dute Ka erregearen hilobia, B7 eta B9ak. Zoritxarrez, biak oso kaltetuak daude euren goiko zatian. B7 ganberaren neurriak honako hauek dira: 6,05x3,25 metro, eta B9renak, beste hauek: 6,0x3,10 metro, adobezko harresia: 1,8 metroko altuera duena. Hilobian, sukarrizko aizto baten txatalak eta zeramikazko zatiak, hauek ere Ka erregearen serekharekin baina belatzik gabe aurkitu ziren.
Bere hilobiko aurkikuntzen artean, bere Ka izena zuten zenbait idazkun aurkitu ziren, "bi beso" zeinua, beranduago izpirituaren zati bat esan nahi izan zuena eta ka ahoskatzen zena. Serekh batean idatzita zegoen, errege jauregiaren fatxadako irudiaren antzera. Belatzdun zeinu hau bere goialdean hartu zuen lehen faraoia izan zen, kasu honetan, Goi Egiptoren ikurra zen landarearekin. Bi ganberatatik, litekeena da hegoaldekoan, B7an lurperatuak izana, bestea, B9a, ofrenda eta hornitzeentzako izango litzatekeen bitartean.
| Aurrekoa Horus Iry |
Egiptoko faraoia Egiptoko aro protodinastikoa |
Ondorengoa Horus Krokodilo |
Wikimedia Commonsen badira fitxategi gehiago, gai hau dutenak: Horus Ka  |