High Noon
High Noon (euskaraz: "Eguerdia") western filma da, Fred Zinnemann austriar zinemagileak 1952an zuzendu zuena. Gary Cooper, Grace Kelly, Lloyd Bridges, Katy Jurado eta Thomas Mitchell izan ziren aktore nagusiak.
Filmak lau Oscar sari irabazi zituen: gizonezko aktore onenarena (Gary Cooper), muntatze onenarena (Elmo Williams eta Harry W. Gerstad), jatorrizko soinu banda onenarena (Dimitri Tiomkin) eta jatorrizko abesti onenarena (Dimitri Tiomkin eta Ned Washington: Tex Ritterrek abestutako "Do Not Forsake Me, Oh My Darlin'"). Bestalde, lau Urrezko Globo eta beste hainbat sari ere jaso zituen.
Sinopsia aldatu
Goiz berean ezkondu eta sheriff izarra jarri du. Will Kane (Gary Cooper) sheriff berria iraganean atzeman zuen eta urkamendira zigortu zuten Frank Miller (Ian MacDonald) izeneko gizona herrira mendeku bila itzuli dela ohartu da. Miller eguerdiko hiruetako trenean iritsi da eta geltokian bere adiskideak zain ditu. Emaztearen (Grace Kelly) erreguei kasurik egin gabe, Kane herrian gelditu eta bere aldeko gizonak erreklutatzen saiatuko da. Baina herritarren koldarkeriaren, interesen edota Miller bidelapurrarekiko adiskidetasunaren ondorioz, herritarrek entzungor eginen diote Kanen laguntza eskaerari. Hortaz, Kanek bakarrik egin beharko die aurre arriskuari eta patuari.
Aktoreak aldatu
- Gary Cooper: Will Kane sheriffa
- Thomas Mitchell: Jonas Henderson maiorra
- Lloyd Bridges: Harvey Pell sheriff diputatua
- Katy Jurado: Helen Ramírez
- Grace Kelly: Amy Fowler Kane
- Otto Kruger: Percy Mettrick epailea
- Lon Chaney: Martin Howe
- Henry Morgan: Sam Fuller
- Ian MacDonald: Frank Miller
- Eve McVeagh: Mildred Fuller
- Morgan Farley: Mahin medikua eta ministroa
- Harry Shannon: Cooper
- Lee Van Cleef: Jack Colby
- Robert Wilke: Jim Pierce
- Sheb Wooley: Ben Miller
Irudi galeria aldatu
-
Trailerra
Kanpo estekak aldatu
- High Noon filmaren IMDBko fitxa irakurgai (Ingelesez)