Hidden Agenda (1990eko filma)
Hidden Agenda (euskaraz Ezkutuko Egunkaria) 1990eko Ken Loach zinema zuzendariaren britainiar filma bat da. Filma honetako honako aktore hauek antzeztu zuten: Frances MacDormand, Brian Cox, Brad Dourif eta Maurice Roëves.
| Hidden Agenda (1990eko filma) | |
|---|---|
| Jatorria | |
| Argitaratze-data | 1990 |
| Izenburua | Hidden Agenda |
| Jatorrizko hizkuntza | ingelesa |
| Jatorrizko herrialdea | Erresuma Batua |
| Banatze bidea | eskatu ahalako bideo |
| Ezaugarriak | |
| Genero artistikoa | film dramatikoa eta political thriller film (en)  |
| Iraupena | 106 minutu |
| Kolorea | koloretakoa |
| Zuzendaritza eta gidoia | |
| Zuzendaria(k) | Ken Loach |
| Gidoigilea(k) | Jim Allen (en) |
| Antzezlea(k) | |
| Ekoizpena | |
| Ekoizlea | Eric Fellner |
| Ekoizle eragilea | John Daly (en) |
| Bestelako lanak | |
| Musikagilea | Stewart Copeland |
| Jantzi-diseinatzailea | Daphne Dare (en) |
| Fikzioa | |
| Kontakizunaren tokia | Ipar Irlanda |
| Argumentu nagusia | Ipar Irlandako gatazka |
          | |
1990eko Canneseko Zinemaldiko Epaimahaiaren Saria irabazi eta Europar Filma Onenaren Goya Sarirako izendatua egon zen.
Filma honako bi esaldi edo aipamen kontrajarriekin hasten da:
| « | Irlanda osoko jabetza moral eta materiala, eguzkitik hasi eta erdigunera arte, eskubidez Irlandako Herriari dagokio. | » |
| James Fintan Lalor, irlandar errepublikarra eta kazetaria (1807-1849) | ||
| « | Ipar Irlanda Erresuma Batuko zatia da, nire hauteskunde-barrutia den bezala. | » |
| Margaret Thatcher, Erresuma Batuko lehen ministroa (1979-1990) | ||
Argumentua aldatu
1980ko hamarkada, Ipar Irlanda. Giza Eskubideen aldeko Paul Sullivan (Brad Dourif) estatubatuar abokatua IRArekin lotura duen pertsona batekin doalarik, Britainiar Espioitzak lekuko arriskutsua izan daitekelakoan estatubatuar abokatua erailtzen du.
Erailketa ondoren Sullivan abokatuaren Ingrid Jessner (Frances McDormand) neskalagun eta lankidea bere mutilagunaren erailketaren zergatia jakiteko asmoz Ipar Irlandara bertaratu eta Peter Kerrigan poliziari (Brian Cox) erailketa kasuaren ikerketa eta galdeketetan lagunduko dio, hauen ondorioz Sullivan abokatua bi gizonek tirokatu zutela jakinen dutelarik, erailketaren arrazoia grabaketa bat duen kaset misteriotsu bat dela ere argitaratuko da.
Grabaketa honen egilea Harris kapitaina da (Britainiar Espioitzako kide-ohia, une hartan britainiarrengandik ezkutatuta dagoena), grabaketa honetan britainiar buruzagi militarrak eta Alderdi Kontserbatzailearen kideak Margaret Thatcher presidentea boterera iristeko eman zuten bultzadaren inguruan mintzatzen dira, hortaz grabaketa hori Britainiarrentzat oso material arriskutsua izateaz gain, ezkutuan mantendu beharreko gauza da. Ustekabean, Harris kapitainak Dublin hirian Irlandar Errepublikarren laguntzaz britainiar espioietatik ezkutuan dagoela Jessnerri grabaketa eskuan ematen dio, baina Britainiar Espioitza Zerbitzuak Harris kapitaina topatu eta bertan hiltzen du. Honela grabaketa hura egiaztatzeko Harriz kapitaina hilda dagoela, grabaketa bera zokoratua gelditzen da.
Gainera, filmaren amaieran Kerrigan inspektoarearen nagusiek ikerketan aurrera jarrai dezan eragotzi eta ixilik egotera derrigortzen dute, ikerketa hark oraindik ixilpeko azpijoko handiagoa jendaurrean argitaratu dezakelakoan. Jessner oraindik grabaketaren jabe da, eta filmaren arabera grabaketa ezagutzera ematen du, nahiz eta hura inork sinistuko ez duen.
Aktoreak aldatu
- Frances McDormand: Ingrid Jessner
- Brian Cox: Peter Kerrigan
- Brad Dourif: Paul Sullivan
- Maurice Roëves: Harris kapitaina
- Ian McElhinney: Jack Cunningham
- Mai Zetterling: Moa
Kanpo estekak aldatu
- Hidden Agenda filma osoa ikusgai (Ingelesez)
- Hidden Agenda filmaren IMDBko fitxa irakurgai (Ingelesez)
Datuak: Q950723
