Hetera

Hetera, hetæra edo hetaira (grezieraz, ἑταῖραι, hetairai) ziren Antzinako Greziaren goi prostitutak. Luxuzko prostituzioarekin batera konpainiako emakumearen papera betetzen zuen. Grezian prostituta arruntak ere bazeuden baina horiek pornai izena zuten.

Heterak gizartean aldatu

Emakume hauek gizartean askotan prestigio handia zuten. Independeteak ziren eta zergak ordaintzen zituzten. Haien iritziak eta sinemenak gizonen artean errespetu handiz entzuten ziren eta sinposiumetan (συμπόσιον) hartzen zuten parte. Orokorrean, esklabu izandako emakumeak edo atzerritarrak ziren. Ederrak ziren eta dantza zein musikarako prestakuntza berezia zuten. Emakume arrunten artean heziketa jasotzea ez zen oso ohikoa, bai heteren artean.

Irudia eta janzkera aldatu

John William Godwarden margolanean Atenas hetairaren irudia ikus daiteke. 1908.

Emakume arruntek lihozko eta artilezko itxurazko jantziak erabiltzen zituzten bitartean, heterek jantzi gardenak eramaten zituzten, askotan azafrai-kolorekoak; dena dela, ohikoa zen ere ohiko bizimoduan biluzik ikustea. Eguzkipean lan egiteko beharrik ez zutela adierazteko berun-zuriz makilatuak joaten ziren. Orrazkerak goi mailako emakumeen antzekoak ziren: korapilatsuak eta ileordez beteta. ^[1]^[2] Pubiseko biloak mozteko pasta berezi bat erabiltzen zuten, dropax izenekoa, ozpinez eta Txipreko lurrez egina.^[3]